Jueces 16:11 - Biblia Enxet

¹¹ Apchátegmowágkek axta Sansón: —Élpextehetchek sa' agkok táma axnancha'awo' meyke nak makham kélmeykha, kamaskok sa' sekyennaqte, atnekxak sa' ma'a aptémakxal'a énxet meyke apyennaqte.

Jueces 16:11 ပူးပေါင်းရင်းမြစ်များ

Proverbios 13:3

Nenláneykegkoho nentáhakxa nempeywa, cháxa negmeyókaxkoho egagkok egagko' xa; etwasakpohok apagko' eyke chá'a m'a énxet ekxákma nak appeywa.

Proverbios 13:5

Etaqnawhok negmowána amya'a m'a énxet ekpéwomo nak aptémakxa'; keñe m'a énxet ekmaso nak aptémakxa, elmegqeyk chá'a elanok énxet'ák ma'a aptémakxa, asagkek chá'a katnehek apxénamap.

Proverbios 29:25

Asagkek ageyk ma'a énxet'ák, yetneyk eyke katnehek apmeyámap ma'a énxet apteme nak apcháyo Wesse' egegkok.

Jueces 15:13

Tén axta aptáha apcháneya s'e: —Magaqhek sa'. Wánxa aqsa peya agmok xép agmések ma'a filisteos. Yetlókok axta han kélpextete ánet táma axnagcha'ák, kéltekkessek axta m'a aphamakxa axta.

Jueces 16:10

Axta entáhak eyáneya Dalila s'e: —¡Élyexancháseyha! ¡Apmopwána amya'a! Héltennés sa' kaxwo', háxko anteméssesek ólpextétek xeyep.

Jueces 16:12

Keñe axta ekma Dalila m'a táma axnancha'awo', kelpextehetchek axta, kelpáxamaha axta ekwónencha'a: —¡Sansón, filisteos apketamakmok! Kelyexánegkessekmek axta makham énxet ma'a kañe' ekteyenmakxa nak; apkelyétekkessek axta makham Sansón ma'a táma, máxa axta aptemessásak ma'a yátépépe' apketcheyetsék la'a.