Jueces 15:8 - Biblia Enxet

⁸ Apketámegkek axta yetlo aplómo apagko', apkelyensásegkek axta ekmaso agko'. Tén axta apxegama apheykmo m'a meteymog áxwa ekyetnama axta m'a nekha ekweyweykentamxa nak Etam.

Jueces 15:8 ပူးပေါင်းရင်းမြစ်များ

2 Crónicas 11:6

Apkelánekxeyk axta Belén, Etam, Tecoa,

Isaías 25:10

Etaqmelchesek sa' Wesse' egegkok ma'a egkexe Sión, keñe sa' ma'a Moab elteyammaha, máxa sa' etnéssesek ma'a ektémól'a pa'at apák kélteyammeykhal'a m'a kélchexakhamakxa nak aqsok apák.

Isaías 63:3

—Élteyáyekmek ko'o exakkók anmen yámet ekyexna, méko sepasmoma; élteyáyekmek ko'o yetlo seklómo ahagko' ma'a sélenmexma, élteyammeykha yetlo seklo, keñe éma apagkok ekpálwaya m'a sélántaxno, kelyexwáseseykha apyókxoho m'a sélnaqta.

Isaías 63:6

Élteyammeyha axta ko'o yetlo seklómo ahagko' ma'a pók aptémakxa nak chá'a énxet'ák, ekmasséssekmek axta yetlo seklo, ekyegkenchessek axta éma apagkok náxop.

Jueces 15:10

aptáhak axta apkelmaxneyáncha'a apheykha axta Judá s'e: —¿Yaqsa ektáha kélmeyókmo nak peya hẽlnapaxchek negko'o? Aptáhak axta apkelátegmowágko s'e: —Nélxegakmek negko'o yaqwayam agmok ma'a Sansón, yaqwayam agyaqmagkásekxak ma'a senteméssessamakxa nak negko'o.

Jueces 15:11

Xama axta apkelleg'a, apkelxegkek axta tres mil Judá énxet'ák apagkok, apkelmahágko m'a meteymog áxwa ekyetnama nak ma'a ekweyweykentamxa nak Etam, aptáhak axta apcháneya Sansón se'e: —¡Apya'ásegkók xép apmelyeyha'ak ma'a filisteos, kaxnók negko'o! ¿Yaqsa ektáha senteméssesa nak negko'o xa ektáha nak? Aptáhak axta Sansón apchátegmowágko: —Setnéssessamakxa eyke ekyaqmagkáseykekxak mók ma'a.

Jueces 15:7

Tén axta Sansón aptáha s'e: —¡Naqsók sa' ko'o ektáhak peya mallókassemek sekyampe ekwokmoho sekyaqmagkáseykxo sélteméssessamakxa kéxegke, eñama kélteme xa ektáha nak!

Jueces 15:9

Apkelxegeykmek axta m'a filisteos apkelpakxenwaya m'a yókxexma Judá, apsawheykekxók axta apweykekxoho m'a Lehi,