Jueces 14:6 - Biblia Enxet

⁶ Tén axta ektaxna apwáxok Wesse' egegkok apmopwána m'a Sansón, meyke apmeykha axta han aptemessásak nekha'a étkók ma'a yámakméwa, máxa axta aptemessásak ma'a yát'ay apketkok la'a; axta eyke eltennáseyha chána ektáhakxa.

Jueces 14:6 ပူးပေါင်းရင်းမြစ်များ

Salmos 91:13

Apwanchek sa' chá'a eweynchamha neyseksa yámakméwa, tén han yéwa ekha eyaqtáwa, tén han neptána, tén han yámakyéwa.

Isaías 42:2

Melpáxamha sa', mepaqmétek sa' ekyennaqte agko', meltamhók sa' kañexchek appeywa m'a ámay nak,

Zacarías 4:6

Tén axta aptáha seyáneya s'e: “Keso Wesse' egegkok appeywa apcháphássesso m'a Zorobabel: ‘Nágyásenneykxa sẽlpextétamo, tén han apyennaqte, eyke m'a Espíritu ahagkok nak, axta aptáhak Wesse' egegkok ekha nak apyennaqte.

Jueces 11:29

Tén axta apweywento Wesse' egegkok espíritu apagkok aphakxa m'a Jefté aptáha apxegexma, tén axta apmahágko m'a Galaad tén han Manasés, apyeyk'ak axta m'a Mispá nak Galaad, yaqwayam enxoho etaxnegwók ma'a amonitas nak xapop apagkok.

Jueces 13:25

Xama ekhem axta neyseksa apha Sansón ma'a apkelpakxeneykegkaxa nak Dan énxet'ák apagkok, teyp nak Sorá halep nak Estaol, cheynawók axta ektaxna apwáxok Wesse' egegkok apmopwána.

Jueces 14:19

Yetlókok axta han ektaxno apwáxok Wesse' egegkok apmopwána m'a Sansón; apmeyákxeyk axta m'a Ascalón, apkelnáhapweykxeyk axta han treinta énxet ma'a yókxexma nak, Apkelhaxyawassásegkek axta apkelnaqta, keñe apkelsákxésa m'a apchaqhémo axta apkelátegmowéyak apkelmaxneyeykha. Yetlo aplo axta apmeyákxak ma'a apyáp apxagkok,

Jueces 14:5

Yetlókok axta han apmeyeykekxa Sansón ma'a Timná yetlo chána. Xama axta apwákxo Sansón ma'a émhakxa axta anmen yámet kélcheneykekxa m'a tegma apwányam, ketamokmek axta yámakméwa étkok, yexweyweyha axta.

Jueces 14:7

Apwákxeyk axta m'a ekhakxa axta kelán'a étkok ekleklamókxa axta apwáxok, appaqhetchessek axta.

Jueces 15:15

keñe axta apma xama yámelyeheykok amáxempenek axchapok ekyetna axta m'a, axta han keymayók makham, axta apmáha apkelnapa mil filisteos xa.

Jueces 15:8

Apketámegkek axta yetlo aplómo apagko', apkelyensásegkek axta ekmaso agko'. Tén axta apxegama apheykmo m'a meteymog áxwa ekyetnama axta m'a nekha ekweyweykentamxa nak Etam.

Jueces 16:30

aptáhak axta apyennaqtésa appeywa s'e: “¡Kóletsapho xamo' ko'o kéxegke filisteos!” Tén axta apyennaqtésa apyempehek apkelyega m'a élámha nak tegma, apcháhapwa'akteyk axta tegma apyawe m'a apkelámha apmonye'e nak filisteos, tén han ma'a apyókxoho ektáha axta apheykha m'a kañe' tegma. Apyeykhássekmók axta apkelnapma Sansón apketsapa ekweykenxa axta chá'a apkelnapma m'a apyennaqtamakxa axta.

Jueces 3:10

aptaxnegwa'ak axta han apwáxok Wesse' egegkok espíritu apagkok ma'a Otoniel, cha'a aptáha axta han apkemha apmonye' apyennaqte apagkok ma'a israelitas; apkelmallanchek axta neyseksa kempakhakma, apkelwagkassek axta teyp ma'a Wesse' egegkok neyseksa apkelma m'a Cusán-risataim.

1 Samuel 10:16

Apchátegmowágkek axta Saúl ma'a apyaha: —Ẽltennassegkek axta kélweteykekxo m'a yámelyeheykok. Axta eyke eltennáseyha Saúl xama enxoho m'a kélteméssessama wesse' apwányam, apkeltennassama axta Samuel.

1 Samuel 10:6

Keñe sa' xép etxek apwáxok Wesse' egegkok espíritu apagkok, keytlawhok sa' xép xa apnextegeykha néten, aptamhágko nak ma'a, máxa pók aptémakxa énxet sa' etnekxa'.

1 Samuel 11:6

Xama axta apleg'a Saúl, yetlókok axta aptaxno apwáxok Dios espíritu apagkok; aplókók apagko' axta Saúl.

1 Samuel 14:1

Xama ekhem axta Jonatán, apketche nak Saúl, aptáha apcháneya m'a apchásenneykha: —Exegma', óltámeyekxak alwáta' agketamagkok apheykegkaxa nak sẽlpextétamo filisteos, cham'a neyp nak. Axta eyke eltennásak apyáp Jonatán,

1 Samuel 17:46

Hegkések sa' ko'o exchep ma'a Wesse' egegkok, sakhem sa' ko'o waqhek xép, keñe sa' ma'a sẽlpextétamo nak filisteos aphopák, almésagkok yaqwayam etawagkok máma, tén han aqsok nawha'ák éllo. Keñe sa' ekyókxoho nélwanmeygkaxa kólya'asagkohok apha xama Dios ma'a Israel.