Jueces 14:4 - Biblia Enxet

⁴ Axta kalya'ásegkok chána ektáha Wesse' egegkok apkeltémo katnehek ekyókxoho xa, hakte apketamsegkek axta yaqweykenxa etnehek ektamagkok ma'a filisteos, hakte mékoho axta aptemessáseykekxak filisteos énxet'ák Israel xa ekhem nak.

Jueces 14:4 ပူးပေါင်းရင်းမြစ်များ

1 Reyes 12:15

Axta elyahákxak wesse' apwányam aptáhakxa apkelpeywa m'a énxet'ák nak, hakte Wesse' egegkok axta apmopmenyého katnehek xa ektáha nak, yaqwayam enxoho katnehek ma'a apkeltennassama axta katnehek Wesse' egegkok ma'a Jeroboam, Nabat axta apketche, apchásenneykekxo axta m'a Ahías, apkeñama axta Siló.

1 Reyes 12:24

séltamho ko'o melnapakpehek ma'a apkelpeywomo xamo' nak israelitas. Tásek eltaqhekxak aqsa apxanák ma'a apyókxoho nak, hakte cháxa séltamhókxa nak ko'o etnahagkok xa.” Xama axta apkelleg'a aptáhakxa apkeláneya m'a Wesse' egegkok, apkeltaqhákxeyk axta apxanák, ekhawo apkeltamhókxa axta etnahagkok ma'a Wesse' egegkok.

2 Reyes 6:33

Neyseksa apkelpaqhetchesso axta apwa'a kélásenneykha m'a aphakxa nak Eliseo. Aptáhak axta apcháneya: —Wesse' egegkok keñamak senteméssesso negko'o s'e aqsok ekmaso nak, ¡kaqhok ko'o aleyxek elának mók aqsok ma'a!

2 Crónicas 10:15

Axta elyahákxak wesse' apwányam aptáhakxa apkelpeywa m'a énxet'ák nak, hakte Wesse' egegkok axta apmopmenyého katnehek xa ektáha nak, yaqwayam enxoho katnehek ma'a apkeltennassama axta katnehek Wesse' egegkok ma'a Jeroboam, Nabat axta apketche, apchásenneykekxo axta m'a Ahías, apkeñama axta Siló.

2 Crónicas 22:7

Dios apagko' axta apkeltémo exog Ocozías etnehek meyk'a m'a Joram, yaqwayam enxoho emátog. Xama axta apwákxo m'a, keñe apxega yetlo Joram apyo'ókmo m'a Jehú, Nimsí axta apketche. Dios axta eyke apkelyésáha Jehú yaqwayam emasséssók ma'a Ahab apnámakkok.

2 Crónicas 25:20

Axta eyke elyahákxak ma'a Amasías, hakte Dios axta apkeltémo katnehek xa ektáha nak, yaqwayam emok ma'a Joás, eñama apkelpeykessamo m'a aqsok kéláyókxa nak Edom.

Salmos 115:3

Apheyk Dios egagkok ma'a néten, elának chá'a ekyókxoho m'a apmakókxa enxoho elána'.

Daniel 6:4

Aptegyáha axta eykhe han yaqwánxa etnahagkok esexnenak exének ekmaso aptamheykha apchókxa m'a pók apkeláneykha nak apkeltamheykha, tén han ma'a apkeltaqmelchesso nak chá'a apkelókxa', axta eyke kóteyamaxchek xama enxoho apkelane aqsok ekmaso m'a Daniel, hakte énxet meyke aptémakxa axta m'a; megkólwanchek axta kélmáheyo kólxénchásekxohok aptémakxa.

Deuteronomio 28:48

Sa' etnehek apkelásenneykha kéxegke m'a kélenmexma peya nak eláphaksek ey'áwak kéxegke m'a Wesse' egegkok; kóllegagkohok sa' meyk élnapma, tén han hem át'ák, meyke apáwa tén han ma'a ekyókxoho mók ektémakxa nak chá'a nenlegeykegkoho meyke agko' aqsok egagkok. Ellegássesagkohok sa' Wesse' egegkok ekyentaxno agko' kélásenneykha naqsa, ekwokmoho kélmassegwokmo.

Josué 11:20

hakte Wesse' egegkok axta apteméssesso élyennaqte apkelwáxok ma'a katnaha nak apnámakkok, tén axta apkelenmexákxo m'a énxet'ák Israel, yaqwayam ma'a énxet'ák nak Israel esawhohok emasséssók apyókxoho, meyke apmopyósa elano', apkeltémókxa axta etnehek Wesse' egegkok ma'a Moisés.

Jueces 13:1

Apkelánegkokxeyk axta makham aqsok ekmaso nápaqtók Wesse' egegkok ma'a israelitas, keñe axta Wesse' egegkok apkeltémo elmok ma'a filisteos ekweykmoho cuarenta apyeyam.

Jueces 14:5

Yetlókok axta han apmeyeykekxa Sansón ma'a Timná yetlo chána. Xama axta apwákxo Sansón ma'a émhakxa axta anmen yámet kélcheneykekxa m'a tegma apwányam, ketamokmek axta yámakméwa étkok, yexweyweyha axta.

Jueces 15:11

Xama axta apkelleg'a, apkelxegkek axta tres mil Judá énxet'ák apagkok, apkelmahágko m'a meteymog áxwa ekyetnama nak ma'a ekweyweykentamxa nak Etam, aptáhak axta apcháneya Sansón se'e: —¡Apya'ásegkók xép apmelyeyha'ak ma'a filisteos, kaxnók negko'o! ¿Yaqsa ektáha senteméssesa nak negko'o xa ektáha nak? Aptáhak axta Sansón apchátegmowágko: —Setnéssessamakxa eyke ekyaqmagkáseykekxak mók ma'a.

Jueces 15:3

Aptáhak axta apchátegmowágko Sansón: —¡Mehephewateyk sa' ko'o kaxwók sekteméssesakxa enxoho m'a filisteos!