Jueces 14:12 - Biblia Enxet

¹² Aptáhak axta apkeláneya Sansón xa treinta nak: —Altennaksek sa' ko'o xama aqsok kólya'asagkohok sa' kexa. Kélaqhawók sa' agkok kélxeyenma ekwokmo enxoho néxa siete ekhem élánamáxche ektámáxche ekyawe, almésagkok sa' chá'a kélxama kéxegke kélaqlamaxche apkeláxñe apkeltaqmalma, keñe han apáwa kélanchesso nak chá'a kélnáxameykha.

Jueces 14:12 ပူးပေါင်းရင်းမြစ်များ

Génesis 45:22

Apkelmeyásegkek axta han apkelnaqta aphaxnancha'ák, yaqwayam eyaqmagkasek chá'a pók, tén axta Benjamín apmésa trescientos sawo' selyaqye élmope, tén han cinco apkelántaxno aphaxnancha'ák.

1 Reyes 10:1

Legayak axta amya'a wesse' ekwányam eñama nak Sabá, ektémakxa ektépeykha chá'a apwesey Salomón yaqwayam kataxchek ektémakxa apcheymákpoho Wesse' egegkok, tén axta ekmahágko Jerusalén yaqwayam keypkeynek kalmaxneyha m'a élmaxneyeykha ekmáske nak agya'asagkoho'. Wokmek axta yetlo eyeymáxkoho, tén han yetlo yányátnáxeg élpátegkesso sokmátsa ekxámokma, keñe han ekxámokma m'a sawo élyátekto élmomnáwa, tén han meteymog élyenma éltaqmalma. Xama axta ekwokmo aphakxa Salomón, kelmaxneyáha axta ekyókxoho ekxénakxa axta awáxok kalmaxneyha,

2 Reyes 5:22

—Méko, —axta aptáhak apchátegmowágko Guehazí—. Wesse' ahagkok eyke eyáphásak apkeltamho atnehek wának xép, apkelwa'a kaxwók ma'a apqánet wokma'ák apteme Dios appeywa apkellegasso, apkeleñama m'a egkexe nak Efraín, apkeltamhók han xép elmések ma'a tres mil selyaqye aktek élmope, keñe han apqánet apáwa nentaxno.

2 Reyes 5:5

Keñe axta apchátegmowágko m'a wesse' apwányam Siria: —Táse', exeg, wáphássesek sa' ko'o sektáxéssesso weykcha'áhak ma'a wesse' apwányam nak Israel. Keñe axta apxega Naamán. Apkelsókek axta treinta mil selyaqye aktek élmope, seis mil selyaqye aktek élyátekto élmomnáwa, keñe diez ma'a apáwa apkelántaxno,

2 Crónicas 7:8

Apkelanak axta Salomón apkelsawássessamo kélpakxeneykegkaxa nak yenta'a aktegák étkók, tén han ma'a apyókxoho énxet'ák Israel, apxámok apagko' axta apkelwe apkeleñama m'a nentaxnamakxa nak Hamat, ekweykmoho m'a alwáta étkok nak Egipto.

Salmos 49:4

ataqmelcheshok sa' ko'o élchetagkáseykha ewáxok ma'a amya'a segaqhássessamo nak sentémakxa, keñe sa' axének ektémakxa neyseksa sekpáwasso arpa.

Proverbios 1:6

yaqwayam enxoho ey'ásegwók ma'a ektémakxa nak chá'a apkelxeyenma m'a apkelya'áseykegkoho nak chá'a aqsok, tén han ektémakxa nak chá'a apkelpeywa, apyetcháseykekxoho, tén han ma'a ekmáske nak agya'asagkoho'.

Proverbios 31:24

Kalának chá'a apáwa tén han nentete nenxet, keñe kakxák chá'a ekha ekyánmaga kalmések ma'a apkexeykekxa nak chá'a aqsok.

Ezequiel 17:2

“Xép énxet, elya'assásegwom sa' énxet'ák Israel xama aqsok negyetcháseykekxoho.

Ezequiel 20:49

Ektáhak axta ko'o seyátegmowágkokxo s'e: “¡Wesse', exéneykha eyke chá'a ko'o énxet'ák wánxa sekxeyenma chá'a m'a aqsok megkólya'áseyak nak!”

Jueces 14:11

Apnaqlókek axta treinta apkelxegexma'a filisteo yaqwayam etnehek apkelxegexma, hakte apcháyak axta m'a Sansón.

Jueces 14:13

Sa' agkok kólaqhawok sélátegmowéyak, hélmések sa' chá'a ko'o kélxama kélaqlamaxche apkeláxñe tén han apáwa apkeltaqmalma, tén han ma'a apáwa nélmeykha nak chá'a nélnáxameykha. Keñe axta aptáha apkelátegmowágko: —Hẽltennés sa' aqsok apmáheyo exének magya'áseyak nak. Neghaxnawók negko'o.