Jueces 14:11 - Biblia Enxet

¹¹ Apnaqlókek axta treinta apkelxegexma'a filisteo yaqwayam etnehek apkelxegexma, hakte apcháyak axta m'a Sansón.

Jueces 14:11 ပူးပေါင်းရင်းမြစ်များ

Job 41:6

¿Elpaqméteya sa' énxet'ák exének ekwánxa ekyánmaga m'a apkelyánmagkásamákpexa nak chá'a énxet'ák? ¿Kólyaqtennagkoya sa' han yaqwayam kólchexák ekha ekyánmaga nekha'a étkók?

Cantares 5:1

Eyáxeg, sekpagkanma, ektaxnegwa'akteyk kañe' séneykekxexa pánaqte exnók ahagkok. Élmákxeyk kaxwók ma'a yámet ánek ahagkok ekmátsa nak ekpaqneyam tén han ma'a élmátsessamo nak élpaqneyam aqsok. Ektókek kaxwók yányawhéna' apyegmenek ahagkok, ekyenchek nahan ma'a vino ahagkok tén han ma'a weyke nagkeygmenek ahagkok. Énámakkok sélásekhayo, kóltawák, kólyenák nahan, ¡kólyenák ekwánxa enxoho kélmaka!

Jueces 14:10

Apmahágkek axta Sansón apyáp ma'a ekhakxa kelán'a étkok; tén axta Sansón apkelana xama ektámáxche ekyawe m'a, apkeltémakxa axta chá'a m'a apketkók nak.

Jueces 14:12

Aptáhak axta apkeláneya Sansón xa treinta nak: —Altennaksek sa' ko'o xama aqsok kólya'asagkohok sa' kexa. Kélaqhawók sa' agkok kélxeyenma ekwokmo enxoho néxa siete ekhem élánamáxche ektámáxche ekyawe, almésagkok sa' chá'a kélxama kéxegke kélaqlamaxche apkeláxñe apkeltaqmalma, keñe han apáwa kélanchesso nak chá'a kélnáxameykha.

1 Samuel 10:23

Kenyaháxcheyk axta han kéltekkessákxo m'a apyexanmakxa axta. Xama axta apkenegwokmo apmonye'e énxet'ák ma'a Saúl, apwetákpek axta méko aphémo enxoho israelitas ekwánxa axta apwenaqte, apkelyeykhágkek axta.

1 Samuel 16:6

Xama axta apkelwokmo xa énxet'ák nak, apwet'ak axta Samuel ma'a Eliab, keñe axta ektáha élchetama apwáxok se'e: “Cháxa énxet apkelyéseykha Wesse' egegkok yaqwayam etnehek wesse' apwányam xa.”