Jueces 13:7 - Biblia Enxet

⁷ Wánxa aqsa aptáha seyáneya ko'o apxéna ótak xama hatte apkenna'. Keñe han apxéna keso kaxwo' nak meltamho eynek vino, tén han ma'a mók anmen ekyennaqte nak, keñe han meltamho atwok ma'a aqsok élmanyása, hakte apxénchek xeyk sakcha'a etnehek appagkanchásamap ma'a Dios yaqwayam etnehek nazareo, amonye' aptéyam, tén han ekwokmoho apketsapa.”

Jueces 13:7 ပူးပေါင်းရင်းမြစ်များ

Jeremías 35:6

Axta aptáhak seyátegmowágko s'e: “Magyeneykegkok negko'o vino, hakte apmasmeyk apagko' axta negko'o agyenagkok vino m'a egyáp nano' Jonadab, Recab axta apketche, ekweykekxoho m'a entawán'ák nentámen nak.

Amós 2:11

Israelitas, élyéseykha axta nahan ko'o kélnepyeseksa kéxegke kélketchek sektemessáseykegko apkellegasso sekpeywa, keñe nahan nápakha nazareos.” Wesse' egegkok apxeyenma xa.

Números 6:2

“Etne sa' elának israelitas se'e: Yetneyk sa' agkok énxet essenhan kelán'a, ekpagkanchásamáxche Wesse' egegkok, eñama ekmésso ekpeywa yaqwayam katnehek nazareo,

Jueces 13:4

Nágkayen aqsa m'a vino, tén han ma'a mók anmen ekyennaqte nak, nágkatow han xama enxoho m'a aqsok ekmanyása,

Jueces 13:6

Keltennássekxeyk axta atáwa' m'a kelán'a. Axta entáhak eyáneya s'e: “Xama Dios énxet apagkok xeyk ey'awak sekhakxa, etlakkásawók ahagko' han, hakte máxa eykhe m'a Wesse' egegkok apchásenneykha. Malmaxneyáha han yaqsak kexa énxet, meheltennásak han ko'o m'a.

Jueces 13:8

Tén axta Manoa aptáha apcháneya Wesse' egegkok apkelmaxneya s'e: “Wesse' ahagkok, éltamhók eykhe ko'o yáphásekxak makham neghágkaxa xa énxet nak, yaqwayam enxoho hẽltennaksek eyeyméxchexa negko'o anteméssesek ma'a sakcha'a peya nak etyamok.”