Jueces 13:18 - Biblia Enxet

¹⁸ Apchátegmowágkek axta Wesse' egegkok apchásenneykha: —¿Yaqsa ektáha apkeltamho nak ey'asagkohok sekwesey? Ekwányam agko' ko'o m'a sekwesey, megkólya'asagkehe'.

Jueces 13:18 ပူးပေါင်းရင်းမြစ်များ

Génesis 32:29

—Héltennés kaxwók xép apwesey —axta aptáhak apkelmaxneyáncha'a Jacob. Aptáhak axta énxet apchátegmowágkokxo s'e: —¿Yaqsa ektáha sélmaxneyáncha'a nak sekwesey? Yetlókok axta han apxeyenma kataqmelek apha m'a.

Génesis 32:30

Penuel axta aptemessásak ekwesey Jacob xa yókxexma nak, hakte axta aptáhak se'e: “Ekwet'ak ko'o Dios ahaqta'ák ahagko', makke watsapak.”

Nehemías 9:5

tén axta aptáha apkeláneya m'a levitas, cham'a Josué, Cadmiel, Binuy, Hasabnías, Serebías, Hodías, Sebaías, tén han Petahías: “Kólchempekxa néten, kólpeykesho Dios Wesse' kélagkok, yókxoho ekhem, megkatnégwayam néxa. ¡Kóltemésses apcheymákpoho, yetlo ektaqmalma kélxeyenma apwesey eyeymáxkoho meyke ekhémo!”

Éxodo 23:21

Nágkólyenyawha aqsa m'a; kólyahakxoho sa' nahan chá'a, nágkólteme megkólyeheykekxa, hakte cháxa sekmésso ko'o yaqwayam elának aqsok eñama ko'o sekwesey xa, melásekhekxók sa' nahan ektémakxa nak megkólya'assáxma kéxegke.

Isaías 9:5

Kólwatnekxak sa' ma'a kélatchesso kélmagkok nenlegayo axta chá'a elpáwaksek yenyahagkok ma'a sẽlpextétamo tén han ma'a apáwa apkeltexnémap nak éma. Táxa sa' kasawhoho'.

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Jueces 13:6

Keltennássekxeyk axta atáwa' m'a kelán'a. Axta entáhak eyáneya s'e: “Xama Dios énxet apagkok xeyk ey'awak sekhakxa, etlakkásawók ahagko' han, hakte máxa eykhe m'a Wesse' egegkok apchásenneykha. Malmaxneyáha han yaqsak kexa énxet, meheltennásak han ko'o m'a.