Jueces 10:7 - Biblia Enxet

⁷ Axta keñamak apkeltaqnaweykegko Wesse' egegkok ma'a, tén axta apkelmésa m'a filisteos, tén han amonitas.

Jueces 10:7 ပူးပေါင်းရင်းမြစ်များ

Salmos 44:12

meyke ekmomnáwa agko' apkexakhák énxet'ák apagkok, méko han aqsok ekwetassama eñama apkexakha.

Salmos 74:1

Oh Dios, ¿yaqsa ektéma segkexakhama apagko' nak? ¿Yaqsa ektéma apkeltaqnaweykegko nak xép ma'a nepkések apkelleykha nak yókxexma apagkok?

Isaías 50:1

Aptáhak Wesse' egegkok se'e: “¡Nagkólána aqsa atneyk ko'o sekyamasma Israel ma'a, aptémól'a xama énxet eyenyók ma'a aptáwa', cham'a egken nak kéxegke! ¡Nagkólána aqsa akxakhák ko'o kéxegke ekha ekyánmaga yaqwayam kóltéhek kélásenneykha naqsa eñama ekha sekméyak aqsok ma'a xama énxet! Kélchexakhamchek kéxegke hakte kélláneykegkek megkólya'assáxma; kélyamasmeyk ma'a Israel, egken nak kéxegke, hakte asagkek kéltémakxa kéxegke.

Nahúm 1:2

Wesse' egegkok apteme Dios, sẽlmeyeykha, tén han apyaqmagkáseykekxa nak chá'a mók kélteméssesakxa: eyaqmagkásekxak chá'a apteméssesakxa m'a ektáha nak chá'a apkenmexeykekxa, eltaqnaweygkok chá'a m'a apkelenmexma nak.

Nahúm 1:6

¿Yaqsa megkatsepek ma'a aplawa enxoho? ¿Yaqsa awanchek kalenmaxaxkohok ma'a aplo nak? Máxa táxa eyáléwe katnehek kapayhekxak ma'a aplo, kamayhekxak chá'a neyseksa apmonye' m'a meteymog.

Jueces 10:8

Dieciocho apyeyam axta apnaqtawáseykegkoho ekmaso agko' filisteos, tén han amonitas ma'a apyókxoho énxet'ák nak Israel, apheykencha'a axta m'a Galaad, neyp nak ma'a Jordán, xapop apagkok axta m'a amorreos.

Jueces 13:1

Apkelánegkokxeyk axta makham aqsok ekmaso nápaqtók Wesse' egegkok ma'a israelitas, keñe axta Wesse' egegkok apkeltémo elmok ma'a filisteos ekweykmoho cuarenta apyeyam.

Jueces 2:14

Axta keñamak apkeltaqnaweykegko Wesse' egegkok ma'a israelitas, apkeltémok axta elyementamok aqsok apagkok ekyetnakxa axta m'a apkelmenyexeykegko axta chá'a, tén han apkeltémo elmok ma'a apkelenmexma, apheykha axta nepyáwa', meyke apmopwána elenmexekxa'.

Jueces 4:2

Apméssegkek axta Wesse' egegkok yaqwayam elmok ma'a Jabín, wesse' apwányam apagkok axta cananeos, apkeláneykencha'a axta m'a tegma apwányam Hasor. Sísara axta apwesey sẽlpextétamo apkemha apmonye' apagkok, aphegkek axta m'a Haróset-goím.

Jueces 6:1

Asagkek axta eyke apkeltémakxa nápaqtók Wesse' egegkok ma'a israelitas, siete apyeyam axta han apkeltémo elmok Wesse' egegkok ma'a madianitas.