Jueces 10:17 - Biblia Enxet

¹⁷ Apchaqnákxeyk axta amonitas, apkelpakxenwokmek axta m'a Galaad. Apchaqnákxeyk axta han israelitas, apkelpakxenwokmek axta m'a Mispá.

Jueces 10:17 ပူးပေါင်းရင်းမြစ်များ

Génesis 31:49

Mispá axta han kélteméssessók mók ekwesey, hakte axta aptáhak Labán se'e: —Wesse' egegkok sa' henlanha s'e egqánet nak, cham'a magweteykekxo enxoho egmók,

Josué 13:26

keñe han ma'a yókxexma ekyetnama nak teyp Hesbón, halep nak ma'a Ramat-mispé ekweykekxoho m'a Betonim, tén han ma'a teyp nak Mahanaim, halep nak ma'a néxa xapop nak Debir.

Jueces 10:18

Aphésawók axta han mók apkelpeywa israelitas, apheykencha'a axta m'a Galaad, tén han apkelámha apmonye'e apagkok, etnehek apkemha apmonye' apyókxoho nepyeseksa apheykha nak Galaad ma'a apteme nak apkemha apmonye' kempakhakma elenmexek ma'a amonitas.

Jueces 11:11

Tén axta apkelyetlákxo Jefté m'a énxet'ák nak, apteméssessek axta han apkemha apmonye' apagkok, tén han apnaqleykha sẽlpextétamo. Apkeláneykxók axta chá'a appeywa Jefté nápaqtók Wesse' egegkok aptáhakxa axta chá'a appeywa, cham'a Mispá.

Jueces 11:29

Tén axta apweywento Wesse' egegkok espíritu apagkok aphakxa m'a Jefté aptáha apxegexma, tén axta apmahágko m'a Galaad tén han Manasés, apyeyk'ak axta m'a Mispá nak Galaad, yaqwayam enxoho etaxnegwók ma'a amonitas nak xapop apagkok.

Jueces 11:34

Xama axta apwákxo apxagkok Jefté, cham'a Mispá, kelanyexágkek axta ekma takha' m'a apketche kelwána ekteme axta wánxa xama, néweyha axta yetlo ekpáwasso nélaqtawáseykha. Méko axta han pók apketche enxoho m'a,

Jueces 11:4

Yáma wenaqtémók axta han apketámeykegko amonitas ma'a Israel,

Jueces 11:6

Axta táhak amya'a apcháneyákpo s'e: —Émpoho, egmenyeyk negko'o etnehek xép apkemha apmonye' egagkok kempakhakma yaqwayam ólenmexek ma'a amonitas.

1 Samuel 7:5

Tén axta Samuel aptáha apkeláneya s'e: “Kólánchásekxa sa' apyókxoho Israel ma'a Mispá, keñe sa' ko'o almaxnéssesek kéxegke Wesse' egegkok.”