Jueces 10:15 - Biblia Enxet

¹⁵ Keñe axta israelitas aptáha apkelátegmowágkokxo Wesse' egegkok se'e: “¡Nenláneykegkek negko'o mólya'assáxma! Hentemésses negko'o ekxénakxa enxoho apwáxok henteméssesek, ¡eyke hẽlwagkas negko'o teyp se'e kaxwo' nak!”

Jueces 10:15 ပူးပေါင်းရင်းမြစ်များ

2 Samuel 10:12

Ewasqápekxoho, ólyennákxohok sa' ólnapaxchek agmeyók negókxa, tén han Dios egagkok tegma apkelyawe apagkok. ¡Etnéssesek sa' Wesse' egegkok ma'a ekxénakxa enxoho apwáxok etnéssesek!”

2 Samuel 12:13

Keñe axta David aptáha apcháneya Natán: —Éláneyak ko'o may'assáxma nápaqtók Wesse' egegkok. Keñe axta Natán aptáha apchátegmowágko: —Meñássesagkók sa' eyke exchep Wesse' egegkok aptémakxa mey'assáxma, megyetsepek sa' han.

2 Samuel 15:26

Agkok kalchak apwáxok sélano, tásek hetnéssesek ekxénakxa enxoho apwáxok etnéssesek.

2 Samuel 24:10

Chaqhak axta apwáxok David eyesagko aptáhakxa apnaqtáxésagko apkelwesey weykcha'áhak, keñe axta aptáha apkeltennasa Wesse' egegkok se'e: —Élanak ko'o ekyawe agko' may'assáxma sélana xa aqsok nak. Wesse' ahagkok, éltamhók eyke ko'o heyásekhekxohok makham neyseksa sélane xa aqsok ekmaso nak, ko'o sektáha nak xép apkeláneykha, asagkek ko'o sektáhakxa, máxa ektáhak ma'a énxet ekyeyháxmal'a.

2 Samuel 24:14

Keñe axta David aptáha apcháneya m'a Gad: —Asagkók agko' ko'o setnahakxa'. Wesse' egegkok akke tásek negko'o hẽllegássesagkoho', hakte awanhek ektémakxa apmopyósa henlanok ma'a, kaxnók hẽllegássesagkohok ma'a énxetók xamo' nak.

Job 33:27

Sa' etnehek se'e: “Éláneyak ko'o may'assáxma, éláneyak han ma'a megkapayhawo nak antéhek, makke emáheyók heñássesagkohok ma'a Dios;

Proverbios 28:13

Asagkek katnehek apha m'a énxet appósso nak chá'a mey'assáxma; yásekhekxohok eyke chá'a Dios ma'a énxet apkeltennasso nak chá'a aptémakxa, tén han apyenyeykekxa nak chá'a.

Isaías 26:16

Wesse', agketmok chá'a exchep nenlegágkoho enxoho ekyentaxnamo egwáxok, cham'a senlegassásegkoho enxoho, yetlo magyennaqtésso nempaqhetchesso.

Jonás 2:4

Éneykek axta ko'o hetekkásak ma'a aphakxa nak xép; xénchek axta ewáxok mótekxók chá'a m'a tegma appagkanamap apagkok aptaqmalma nak.

Jonás 3:9

lapmaxcheyk sa' kexaha eyaqmagkasek apmakókxa nak etnehek Dios, tén han kamaskok aplo, keñe sa' magmassehe'.”

Josué 9:25

ẽlmeyk eyke kaxwók xeyep; hentemésses sa' apmakókxa enxoho henteméssesek.

1 Samuel 12:10

Tén axta apkelya'ásegweykmo apkeláneykegko melya'assáxma nápaqtók Wesse' egegkok, apkelyamasma apkelpeykessamo m'a mók ektémakxa nak chá'a kéleykmássesso Baal, tén han Astarté, keñe axta apkelwóneykencha'a apkeltémo elwagkasek teyp neyseksa apkelma apkelenmexma, apkelxeyenma elpeykeshok wánxa m'a Wesse' egegkok.

1 Samuel 3:18

Apkeltennáseyha axta Samuel ekyókxoho m'a aptáhakxa axta apcháneya, meyke appósso xama enxoho, keñe axta Elí aptáha s'e: —¡Wesse' egegkok ma'a! ¡Tásek elának ma'a apmakókxa enxoho elána'!

1 Samuel 7:6

Apchaqnákxeyk axta israelitas ma'a Mispá, apkelyekweygkek axta han chá'a yegmen ma'a, keñe axta apkelyegkena apteméssesa apmésso naqsa m'a Wesse' egegkok. Cháxa ekhem metókagkaxa axta han aptéyak, apkelxénágkek axta han apkeláneykegko melya'assáxma nápaqtók Wesse' egegkok. Cha'a aptáhakxa axta han apkemha apmonye' apagkok israelitas ma'a Samuel, tén han apkelánésakxo apheykha m'a, cham'a Mispá.