Jueces 1:24 - Biblia Enxet

²⁴ Aptahanya'awók axta xama énxet ma'a apkelányo nak yókxexma, apteyapma axta m'a tegma apwányam, aptáhak axta apcháneya s'e: “Ẽlxekmóssek sa' agkok xép ektémakxa nentaxno tegma apwányam, magaqhek sa' xép.”

Jueces 1:24 ပူးပေါင်းရင်းမြစ်များ

Salmos 60:9

¿Yaqsa sa' heyentemekxak ko'o m'a tegma apwányam kélhaxtegkesso nak nepyáwa'? ¿Yaqsa sa' heyentemekxak ekweykekxoho m'a Edom?

Jueces 1:25

Apkeltennássek axta han ektémakxa nentaxno tegma apwányam ma'a énxet nak, yetlókok axta han apkelnapma apyókxoho ektáha axta apheykha m'a, sawo axta chá'a apkelyetxeyk; keñe axta megyaqha m'a ektáha axta apxekmósso nempéwomókxa antexek ma'a tegma apwányam, ekweykekxoho m'a ekyókxoho apnámakkok.

1 Samuel 30:15

—¿Ya emakók héntamok ma'a aphágkaxa nak apkelmenyexma? —axta aptáhak apkelmaxneyáncha'a David. Keñe axta apchátegmowágko egipcio: —Naqsók sa' agkok aptemessásak yetlo apxeyenma Dios, meheyaqhehe', tén han mehegkeyásekxeyk ma'a wesse' ahagkok, ayentamok sa' ma'a aphágkaxa nak.