Josué 9:18 - Biblia Enxet

¹⁸ Axta eyke elnápak énxet'ák Israel ma'a, hakte cham'a apkelámha apmonye'e nak, apteméssessek axta naqsók agko' eñama m'a Wesse' egegkok Dios nak Israel, peya melnáphek xa. Axta keñamak apkelpaqméteyncha'a énxet'ák aptaqnawaya m'a apkelámha apmonye'e apagkok,

Josué 9:18 ပူးပေါင်းရင်းမြစ်များ

2 Samuel 21:7

apmeyókek axta eyke m'a Mefi-bóset, Jonatán axta apketche, Saúl axta aptáwen, eñama m'a aphéssamo axta mók apkelpaqhetchásamákpoho ekmámnaqsoho m'a Jonatán.

Salmos 15:4

aptaqnagkamo nak ma'a énxet ekpayhawo nak etaqnaweykpok, apcháyo nak chá'a m'a apcháyo nak Wesse' egegkok; apkeláneyo nak chá'a m'a aqsok apxeyenma elána', neyseksa eykhe megkataqmalma ekteyapma aqsok apkelane;

Eclesiastés 5:2

Ná epekhés exének elanaksek aqsok Dios, nágkaxén apwáxok elanaksek heykxe aqsok Dios, hakte apheyk Dios ma'a néten, keñe exchep se'e náxop. Ná exámasák appeywa m'a apkepwagkexa enxoho,

Eclesiastés 5:6

Nágyoho aqsa kalanaksek mey'assáxma m'a appeywa, keñe exének eyesagko aptáhakxa nápaqto' ma'a Dios apkeláneykha nak. Yaqsa ektáha apkeltamho nak elókasek Dios eñama m'a aqsok apxeyenma exchek xép, tén han yetsagkassásekxak katnehek ma'a ekyókxoho aqsok apkelane nak xép.

Eclesiastés 9:2

Hawók mók élhaxanma xa apyókxoho nak: énxet appéwomo, énxet mepéwomo, énxet ektaqmalma aptémakxa, énxet ekmaso aptémakxa, énxet eyáxñeyo apwáxok, énxet ekmanyása apwáxok, énxet apmésso aptósso apchaqhe, tén han ma'a megkésso nak aptósso apchaqhe; ekhawo han ma'a ektaqmalma nak aptémakxa, tén han ma'a mey'assáxma nak, tén han ma'a apteméssesso nak ekmámnaqsoho appeywa, tén han ma'a metnéssesso nak ekmámnaqsoho appeywa.

Números 30:3

“Keltennássek agkok nahan kalának aqsok Wesse' egegkok xama kelán'a étkok, ekha nak makham xamók ma'a yáp, essenhan éltennasa enxoho kalanaksek xama aqsok,

Deuteronomio 23:22

Agkok chá'a kóltennásak xama aqsok yaqwayam kóllának ma'a, megkóllañek chá'a xama enxoho m'a megkólya'assáxma;

Deuteronomio 23:23

eyke m'a ekxeyenma agko' enxoho chá'a kélwáxok kóltennaksek aqsok yaqwayam kóllának ma'a Dios Wesse' kélagkok, kéméxcheyk chá'a kóllána'.

Deuteronomio 23:24

“Kélántaxnegwokmek sa' agkok chá'a neyseksa apkeneykekxexa anmen yámet ma'a kélmók, kélwanchek chá'a kóltawagkok ma'a ekyexna nak ekwánxa enxoho chá'a kélmakókxa kóltók, eyke megkólwanchek kólsakxak xama enxoho kólxatmok ma'a xama kélxata nak.

Josué 9:17

Tén axta apkelxega apkelchetama m'a gabaonitas, ántánxo ekhem axta entáhak apkelwokmo m'a tegma apkelyawe apagkok nak, cham'a Gabaón, Querifá, Beerot tén han ma'a Quiriat-jearim.

Josué 9:19

wánxa agkok ma'a apkelámha apmonye'e nak, aptáhak axta apkeláneya s'e: —Negko'o axta nentemessásak naqsók agko' ma'a Wesse' egegkok, Dios nak Israel, peya mólnáphek xa. Cháxa keñamak mogwanchek kaxwók anteméssessamhoxma xa.