Josué 9:14 - Biblia Enxet

¹⁴ Aptókagkek axta énxet'ák Israel aptéyak axta m'a énxet'ák nak Gabaón, axta eyke elmaxneyáha m'a Wesse' egegkok.

Josué 9:14 ပူးပေါင်းရင်းမြစ်များ

2 Samuel 2:1

Apkelmaxneyáha axta Wesse' egegkok David natámen xa, axta aptáhak apcháneya s'e: —¿Ewancheya ko'o amhagkok xama tegma apkelyawe apheykegko nak Judá? Apchátegmowágkek axta Wesse' egegkok: —Éhay, apwanchek emhagkok. Keñe axta David aptáha apkelmaxneyáncha'a: —¿Háxko ewanchek amhagkok? Apchátegmowágkek axta Wesse' egegkok: —Emhók sa' ma'a Hebrón.

2 Samuel 5:19

Keñe axta David apkelmaxneyáncha'a m'a Wesse' egegkok, aptáhak axta s'e: —¿Ewancheya sa' ko'o aktamagkok filisteos? ¿Hemallahancheseya sa' ko'o nepyeseksa m'a énxet'ák nak? Apchátegmowágkek axta Wesse' egegkok: —Ektamák sa', hakte amallahanchesek sa' ko'o exchep nepyeseksa m'a énxet'ák nak.

Esdras 8:21

Keñe axta ko'o séltamho metawagkehek aptéyak énxet'ák ma'a nekha nak wátsam Ahavá, yaqwayam enxoho ólya'ásegwakxohok aqsok magaqhémo nápaqto' Dios egagkok, tén han yaqwayam ólmaxnak yaqwayam hentaqmelchessesek negheykha, tén han egnámakkok, tén han ma'a aqsok egagkok nak.

Éxodo 28:30

Enegken sa' nahan kañe' kélchexanma nak chá'a kélnények ma'a Urim tén han ma'a Tumin, cham'a kélmeykha nak chá'a yaqwayam kólya'asagkohok ma'a apmopmenyého nak Dios, yaqwayam sa' elsók chá'a Aarón elchexnek apnények apmeyákxo enxoho chá'a sekhakxa ko'o, sektáha nak Wesse' kélagkok. Apnények sa' chá'a elchexnek Aarón xa kélmeykha nak chá'a yaqwayam kólya'asagkohok sekmámenyého nak chá'a ko'o.

Números 27:21

Ey'ókxak sa' nahan Josué m'a apkelmaxnéssesso Dios énxet'ák apagkok Eleazar, keñe sa' Eleazar hélmaxneyha ko'o emha apwesey, emha m'a Urim. Josué sa' eyke eltennaksek chá'a apkeltamhókxa etnahagkok israelitas ekyókxoho aqsok apkelánegkaxa enxoho chá'a.

Josué 9:13

Tén han se'e yempehek egagkok nak, axnancha'awók axta m'a nélyetmégko axta vino, keñe kaxwo' élyeptéxko. Hawók aqsa han ektáhakxa s'e nélnaqta nak, tén han se'e nélatchesso egmagkok nak, hakte ahóxók agko' nélxegáyam.

Jueces 1:1

Natámen apketsapma axta Josué, keñe israelitas apkelmaxneyáncha'a Wesse' egegkok yaqwayam elya'asagkoho', yaqsa sa' kexa énxet'ák elnapakpok apmonye'e m'a cananeos.

Jueces 20:18

Apkelmahágkek axta israelitas ma'a Betel, apkelpaqhetcháseykpók axta Dios ma'a yaqwayam enxoho elya'asagkoho', yaqsa énxet'ák ektamagkok apmonye' m'a Benjamín énxet'ák apagkok. Apchátegmowágkek axta Wesse' egegkok apxéna Judá énxet'ák apagkok ektamagkok apmonye'.

1 Samuel 22:10

Appaqhetchessegkek axta Wesse' egegkok ma'a Ahimélec apkeltémo ey'asagkohok yaqwánxa elának ma'a David, keñe apkelméssama nento tén han Goliat axta sókwenaqte apagkok, cham'a filisteo.