Josué 8:6 - Biblia Enxet

⁶ Hegmenxenek sa' negko'o m'a énxet'ák nak nényahágko enxoho tegma apwányam nak, tén sa' yának katnahákxak makham ma'a ektáhakxa axta segmenxena.

Josué 8:6 ပူးပေါင်းရင်းမြစ်များ

Éxodo 14:3

Tén sa' faraón katnehek kalchetmok apwáxok se'e: ‘Melya'ásegkok yaqwánxa elmahagkok ma'a israelitas. Apkelweynchámeyha aqsa m'a yókxexma meykexa énxet.’

Éxodo 15:9

Keñe m'a ektáha axta sẽlenmexma ektáha élchetamso apwáxok se'e: ‘Agmenxenek sa' ekwokmo néltahanyékxo, agmelaskok sa' nahan ma'a aqsok nélyementaméyak enxoho, ekwokmoho élpayhékxo egwáxok. Ólhexyawasagkok sa' sawo élwenaqte egagkok, tén sa' egmék kamasséssók ma'a apyókxoho.’

Eclesiastés 8:11

Megkólmagkek chá'a ekmanyehe agko' ma'a aqsok ekmaso nak, megkóllegássesagkók nahan chá'a m'a ektáha nak apkelane, cháxa keñamak ekxéneykencha'a nak aqsa apwáxok énxet elának ma'a aqsok ekmaso nak.

Eclesiastés 9:12

Méko ekya'ásegkoho ekwánxa kammok néxa ekhem agkok: ekhawo ektémakxa nak kelasma kólmok yám'én, keñe náta ma'a kelhanma, cháxa ektémakxa nak han énxet xa, katlakkasek aqsa chá'a káhapwak aqsok ekmaso neyseksa melhaxanma.

Josué 8:5

Keñe sa' xa énxet'ák sélxegexma'a nak ko'o, agágketchessamhok sa' ma'a tegma apwányam nak. Apkelántekkek sa' agkok énxet ma'a tegma apwányam nak yaqwayam hegmenxenek, ónyahagkok sa' negko'o apmonye'e xa, ekhawo m'a ektáhakxa axta sekxo'.

Josué 8:7

Keñe sa' kéxegke kólántépok ma'a kélyexánegwánxa enxoho, kólmok sa' ma'a tegma apwányam nak, hakte egkések sa' ma'a Dios Wesse' kélagkok.

Jueces 20:32

apkeneykek axta yenyahágkok apmonye'e m'a israelitas, ekhawo m'a ektáhakxa axta sekxók axta apkelwáteságko. Makhawók tegma apwányam axta eyke apkelmahágkok ma'a israelitas, yaqwayam enxoho emenxenek ma'a apkelenmexma, ekweykmoho m'a ámay nak.