Josué 8:20 - Biblia Enxet

²⁰ Xama axta apkelenmexákxoho neptámen ma'a énxet'ák Ai, apkelwet'ak axta ekmahágko néten éten ma'a tegma apwányam apagkok nak, mopwanchek axta apmako elmahagkok mók nekha peya elxeganmok, hakte apkeltaqhegwokmek axta m'a énxet'ák Israel apkelmahéyak axta apkenyehéyak ma'a meykexa nak énxet, keñe apketámegkokxo m'a ektáha axta apmenxenma.

Josué 8:20 ပူးပေါင်းရင်းမြစ်များ

Génesis 19:28

apkenmexawók axta m'a Sodoma tén han Gomorra, keñe han ma'a ekyókxoho xóp ekyapwate nak, apwet'ak axta ekmeyákxo néten ma'a éten ekyókxoho yókxexma nak, máxa axta m'a táxa axagkok la'a.

Job 11:20

Keñe sa' ma'a élmasagcha'a nak apkeltémakxa, kaqhók sa' etegyagkok ekpasmo; melwetágwomek sa' apkelyexanmomakxa', apkeletsapma sa' aqsa elhaxnagkok.

Salmos 76:5

Kélyementameykegkek aqsok apagkok ma'a énxet'ák apkelyennaqte apagko' nak; méko apkeláneykegko m'a apkelyennaqte apagko' nak; ¡apkeletsepme'!

Isaías 34:10

Megkaspónhek sa' ekhem tén han axta'a; kapaqnek sa' aqsa chá'a; kataqmopagkohok agko' sa' meyke néxa; méko sa' kaxwók kapéwhok ma'a ekpayhókxa nak.

Josué 8:19

keñe apkelántepa ekpekhe agko' apketámegko tegma apwányam ma'a ektáha axta apkelyexánegwayam ma'a, tén axta apma. Apwatnékxók axta han.

Josué 8:21

Apwet'ak axta Josué tén han ma'a apyókxoho énxet'ák nak Israel, apma tegma apwányam ma'a ektáha axta apkelyexánegwayam tén han apwatnékxo, keñe axta apkeltaqhegwokmo apketámegkokxo apkelnápekpo m'a énxet'ák nak Ai.

Jueces 20:38

Nanók axta han appenchásegko aphéssamo mók apkelpaqmeyesma pók israelitas ma'a apkelyexánegwayam axta yaqwayam ektamagkok ma'a tegma apwányam, apkeltennasa epánchessesek éten apma enxoho m'a tegma apwányam.

Jueces 20:40

chaqhawók axta han ektepa ekpánma éten ma'a tegma apwányam nak, xama axta apkelpeynchákpo apkelenmexákxoho neptámen ma'a Benjamín énxet'ák apagkok, apkelwet'ak axta táxa eyáléwe tén han éten ekmeyákxo néten ma'a tegma apwányam.

Jueces 20:41

Keñe axta israelitas apkeltaqhegwokmo apkelnápekpo, apkelakawók apagko' axta Benjamín énxet'ák apagkok apyekpelcha peya esawhakpok.