Josué 8:14 - Biblia Enxet

¹⁴ Xama axta apwet'a ektáhakxa m'a wesse' apwányam nak yókxexma Ai, yahamok axta appekheka, keñe apxega yetlo m'a apyókxoho sẽlpextétamo apagkok yaqwayam elnapakpok ma'a énxet'ák Israel ekpayho nak ekyapwate m'a Jordán. Axta ey'ásegkok apkelyexánegwa'a nápakha israelitas ma'a teyp nak tegma apwányam.

Josué 8:14 ပူးပေါင်းရင်းမြစ်များ

Eclesiastés 9:12

Méko ekya'ásegkoho ekwánxa kammok néxa ekhem agkok: ekhawo ektémakxa nak kelasma kólmok yám'én, keñe náta ma'a kelhanma, cháxa ektémakxa nak han énxet xa, katlakkasek aqsa chá'a káhapwak aqsok ekmaso neyseksa melhaxanma.

Isaías 19:11

¡Élyeyháxma nak la'a kéxegke, kelwesse'e nak Soan, kélmeyáseyák nak chá'a kélpeywa m'a énxet'ák, kélmowancha'a agko' nak aqsok ma'a Egipto, naqsók kéxegke kélpékessáseyak kélnámakkok élyeyháxma! ¿Háxko katnehek kóltéhek kólának faraón se'e: “Negko'o nenteme énxet'ák apmopwancha'a aqsok aptawán'ák neptámen, cham'a nanók kelwesse'e apkelwányam axta?”

Isaías 19:13

Élyeyháxma m'a kelwesse'e nak Soan kélyexancháseykha nahan chá'a m'a kelwesse'e nak Menfis, kélnaqleykekxeyk Egipto megkatnahakxa ámay ma'a kelwesse'e nak chá'a xama apheykegkaxa.

Daniel 4:31

Axta han epenchásawok appeywa wesse' apwányam apleg'a xama kélpeywa eñama néten, ektáha eyáneya s'e: “Yeyxho sa' se'e wesse' apwányam Nabucodonosor. Háwe kaxwók xép apagkok aptémakxa nak wesse' apwányam;

Deuteronomio 1:1

Keso amya'a apkeltennassama axta Moisés apyókxoho énxet'ák Israel neyseksa apheykha m'a yókxexma meykexa nak énxet, ekpayho nak teyapmakxa ekhem neyp wátsam Jordán, cham'a Arabá, ekpayho axta m'a yókxexma Suf, nepyeseksa axta m'a tegma apkelyawe Parán, Tófel, Labán, Haserot tén han ma'a Dizahab.

Josué 8:13

Axta keñamak apkexpánchásekpo m'a sẽlpextétamo, nápakha axta apkelyexánegwokmok ma'a ekpayho nak ektaxnegwánxa ekhem teyp nak tegma apwányam, keñe han nápakha apkekhegwokmo m'a teyp ekpayho nak nexcheyha. Apmonye' axta apxegak Josué xa axta'a nak, aphakmo m'a neyseksa nak ekyapwate.

Josué 8:15

Keñe axta Josué tén han ma'a énxet'ák apagkok nak, hó ónyahagkok axta aptamhágkok. Apkenyahágkek axta apmonye'e m'a énxet'ák nak Ai. Axta apkelpéwók ma'a ámay ekmahéyak nak meykexa énxet.

Josué 8:16

Apkeláneyákpek axta emenxenek ma'a apyókxoho sẽlpextétamo nak Ai, apyenyókek axta aqsa tegma apwányam apyaqmasa m'a Josué.

Josué 8:5

Keñe sa' xa énxet'ák sélxegexma'a nak ko'o, agágketchessamhok sa' ma'a tegma apwányam nak. Apkelántekkek sa' agkok énxet ma'a tegma apwányam nak yaqwayam hegmenxenek, ónyahagkok sa' negko'o apmonye'e xa, ekhawo m'a ektáhakxa axta sekxo'.

Jueces 20:37

Appelakkassek axta apketámeyak Guibeá xa énxet'ák nak, apkelnapchek axta han apyókxoho apheykha axta tegma apwányam, apkelyetxégko chá'a sókwenaqte.