Josué 7:9 - Biblia Enxet

⁹ Ellegak sa' amya'a ektáhakxa m'a cananeos, tén han ma'a apyókxoho apheykha nak ma'a yókxexma, keñe sa' epaxqeykxak ma'a nélenmexma nak, hegketámegmak sa'; hensawhohok sa' han hẽlnápok. ¿Háxko sa' etnehek xeyep megyohók kólwanyohok ma'a apwesey nak?

Josué 7:9 ပူးပေါင်းရင်းမြစ်များ

Salmos 115:1

Wesse', ná hentemésses negko'o néleymáxkoho, xép akke payhawók kólteméssesek apcheymákpoho, ¡eñama segásekhayo tén han apteme ekmámnaqsoho mehegyenyaweykha!

Salmos 48:10

Oh Dios, kólteméssesek chá'a exchep apcheymákpoho ekyókxoho keso náxop, ekhawo ektémakxa nak ekxénamaxche' apwesey, hakte yetlo apmopwána chá'a exchep etaqmelchessásekxak apheykha m'a énxet'ák.

Salmos 79:9

Oh Dios, Sẽlwagkasso nak chá'a teyp negko'o, ¡hempásem, hẽlmallahanches aqsok ekmaso, ná eyaqmagkásekxa mólya'assáxma, ¡eñama apkelmeyeykha apwesey eyeymáxkoho!

Salmos 83:4

Xénchek apkelwáxok elxegmak hegmasséssók negko'o, yaqwayam enxoho kamassegwók nélwetamaxche', yaqwayam enxoho megkaxénwók chá'a kélwáxok apwesey m'a Israel.

Salmos 83:5

Apheyásawók mók apkelpaqhetchásamákpoho peya yenmexek xép, apyepetchákxeyk pók apkelánegkokxo aptamhágkaxa yaqwánxa etnéssesek se'e énxet'ák nak:

Éxodo 32:12

¿Yaqsa ektáha apkeltamho nak yohok etnehek exének egipcios se'e: ‘Apkelántekkessegkek Dios yetlo ekmaso élchetamso apwáxok apmáheyo elnáhapwók ma'a neyseksa meteymog élekhahéyak nak, yaqwayam emasseksek apkelweynchámeykha keso náxop’? Elwatés aplo; elwatés ma'a apmakókxa nak etnéssesek ekmaso m'a énxet'ák apagkok.

Ezequiel 20:9

Éláneyak axta ko'o xa, eñama sekmasma m'a sekwesey, yaqwayam enxoho maxénaxchék ekmaso nápaqta'awók ma'a énxet'ák, cham'a kañe' apheykegkaxa nak, hakte ekxekmowásamáxkók axta ko'o nápaqta'awók xa énxet'ák nak, éltennassegkek axta nahan alántekkesek ma'a Egipto.

Joel 2:17

Kóllekxagwaha apkelmaxnéssesso énxet'ák ahagkok, apkeltamheykha nak chá'a sekhakxa ko'o sektáha nak Wesse', kólteme kólpaqmétek émha amonye' apwáxok nak tegma appagkanamap, tén han élwatnamáxchexa nak aqsok se'e: “Wesse', elásekhekxoho énxet'ák apagkok; nágyoho aqsa ey'ássók xama énxet enxoho m'a énxet'ák apagkok; nágyoho enaqtawasagkohok ma'a pók énxet'ák nak, nágyoho etnehek énxet melya'áseyak nak xép se'e: ¿Háxko aphakxa Dios apagkok?”

Miqueas 7:10

Elwetak sa' nahan ma'a sélenmexma nak, cháxa peya sa' kalmegqaksohok apagko' xa. Hakte axta etnehek chá'a heyának se'e: “¿Háxko aphakxa Dios Wesse' apagkok?”, alanha sa' ko'o kaxwo' kólteyammaha ektémól'a yelpa' m'a ámay nak.

Números 14:13

Keñe axta Moisés aptáha apchátegmowágkokxo Wesse' egegkok se'e: —Xeyep axta apkelántekkesso Egipto s'e énxet'ák nak yetlo apmopwána. Apkelleg'ak sa' agkok egipcios yaqwánxa etnéssesek,

Deuteronomio 9:28

yaqwayam sa' megkatnehek amya'a ólxénaxchek yókxexma sẽlántekkessamakxa axta s'e: Mopwanchek apmáheyo elántaxnések Wesse' egegkok ma'a apchókxa apkeltennassamakxa axta chá'a, apkelántekkessegkek yaqwayam elnáhapwók ma'a meykexa nak énxet, hakte apkeltaqnagkamche'.

Josué 7:10

Apchátegmowágkek axta Wesse' egegkok: —Exnekxa néten. ¿Yaqsa ektáha aptekxeya nak nápat xapop?

Josué 7:8

¡Wesse' egegkok! ¡May'ásegkok ko'o yaqwánxa atnehek sekpeywa! Hakte apkenyahágkek kaxwók ma'a énxet'ák Israel eñama apmenxenma m'a katnaha apnámakkok.

1 Samuel 12:22

Mekxáyhek sa' chá'a m'a Wesse' egegkok, eñama apkelmeyeykha apwesey; hakte apmenyeyk kéxegke etnehek énxet'ák apagkok.