Josué 7:20 - Biblia Enxet

²⁰ Apchátegmowágkek axta Acán: —Naqsók axta ko'o sélana aqsok ekmaso énmexma nak Wesse' egegkok, Dios nak Israel. Keso sélana axta ko'o s'e:

Josué 7:20 ပူးပေါင်းရင်းမြစ်များ

Génesis 42:21

aptáhak axta chá'a apcháneya pók se'e: —Asagkók agko' neyke agkok nenteméssessamakxa egyáxeg, hakte axta ólyahákxak apkeltamho eykhe yepyóshok anlano', negwet'ak axta eykhe eklegágkoho apwáxok. Cháxa keñamak negwet'a nak néllegeykegkoho.

Job 33:27

Sa' etnehek se'e: “Éláneyak ko'o may'assáxma, éláneyak han ma'a megkapayhawo nak antéhek, makke emáheyók heñássesagkohok ma'a Dios;

Job 7:20

Élanak agkok ko'o may'assáxma, megkatnéssessamók exma ekmaso exchep, apkeláneykha nak chá'a énxet'ák. ¿Yaqsa ektéma sepeykessamo nak chá'a ko'o semakte yágke apagkok? ¿Ekyentaxnéssegkeya ko'o apha exchep?

Salmos 38:18

¡Axének sa' ko'o may'assáxma, hakte tawáseykha élchetamso ewáxok!

Éxodo 10:16

Keñe axta faraón apkeltamho kólnaqlósawakxések ekpekhe agko' ma'a Moisés tén han Aarón. Aptáhak axta apkeláneya s'e: —Élanak ko'o may'assáxma nápaqtók Dios Wesse' kélagkok, tén han kélnápaqta'awók kéxegke,

Éxodo 9:27

Keñe axta faraón apkeltamho kólyentawakxések ma'a Moisés tén han Aarón. Aptáhak axta apkeláneya s'e: —Ekya'ásegwokmek kaxwók eyesagko sektémakxa. Ko'o keñamak sektémakxa tén han ma'a énxet'ák ahagkok nak, háwe eñama m'a Wesse' kélagkok.

Números 22:34

Aptáhak axta Balaam apchátegmowágkokxo Wesse' egegkok apchásenneykha s'e: —Élanak ko'o may'assáxma, hakte may'ásegkok ko'o exchep apkenmeyncha'a m'a, seyáhakkassásekxo ámay ahagkok. Sa' agkok kalchak xép apwáxok axog, ataqhohok sa' aqsa.

Josué 7:19

Aptáhak axta Josué apcháneya m'a Acán: —Eyáxeg, etnésses sa' apcheymákpoho Wesse' egegkok, Dios apagkok nak Israel. Héltennés sa' ma'a aqsok apkelane nak. ¡Ná ekpós aqsa!

Josué 7:21

Ekwet'ak axta xama apáwa kélaqlamaxche aptaqmalma apagko' apkelánamap axta m'a Babilonia, neyseksa m'a aqsok nélmágko axta Jericó, keñe han sekwet'a doscientos selyaqye aktek élmope, tén han xama sawo ekyátekto ekmomnáwa, medio kilo axta ekyentaxno m'a. Keltásek axta eyke ko'o sélano m'a aqsok nak keñe sélma. Élátawanyeyk axta m'a kóneg sekpakxanmakxa nak, cham'a nékhegweykemxa nak, keñe selyaqye sekpekkena m'a kañók agko'.

1 Samuel 15:24

Keñe axta Saúl aptáha apcháneya Samuel: —Naqso', éláneyak ko'o may'assáxma, hakte malaneyk ma'a apkeltamhókxa nak atnehek Wesse' egegkok, tén han ma'a apkeltémókxa axta exchep atnehek, hakte eyáyak axta énxet'ák, ekháxenmok axta chá'a m'a aptémakxa axta chá'a seyenagkama.

1 Samuel 15:30

—Éláneyak ko'o may'assáxma —axta aptáhak makham Saúl—. Éltamhók eyke elenxanmagkohok setnéssesso kélteméssessamakxa nak chá'a wesse' apwányam, nápaqta'awók ma'a apkelámha apmonye'e nak Israel, tén han ma'a apyókxoho énxet'ák nak. Hétlakxa sa' yaqwayam ólpeykeshok Dios Wesse' apagkok.