Josué 7:19 - Biblia Enxet

¹⁹ Aptáhak axta Josué apcháneya m'a Acán: —Eyáxeg, etnésses sa' apcheymákpoho Wesse' egegkok, Dios apagkok nak Israel. Héltennés sa' ma'a aqsok apkelane nak. ¡Ná ekpós aqsa!

Josué 7:19 ပူးပေါင်းရင်းမြစ်များ

2 Reyes 20:15

Apkelmaxneyáha axta makham Isaías: —¿Yaqsa apkelwet'a m'a kañe' tegma apyawe apagkok nak? Apchátegmowágkokxeyk axta Ezequías: —Apkelwet'ak ekyókxoho aqsok ekhéyak nak ma'a kañe'. Méko maxekmósakxa enxoho m'a sekxátamakxa nak chá'a aqsok ahagkok.

2 Crónicas 30:22

Apkeltennássek axta Ezequías ekleyawo apwáxok aptamhágkaxa m'a levitas, eñama apxekmósso ektaqmalma apkeltemessáseykha m'a Wesse' egegkok. Aptókagkek axta natámen apkelmésso m'a aqsok ektekyawa segwetassamo nak sẽlásekheykekxoho ekweykmoho siete ekhem, tén han natámen apkelpeykessamo m'a Wesse' egegkok, Dios apagkok axta m'a apyapmeyk nano',

Salmos 32:5

Éltennássek axta eyke ko'o exchep may'assáxma meyke seyáyam xama enxoho, tén han sektémakxa ekmaso; xénchek axta ko'o ewáxok altennaksek may'assáxma, keñe axta exchep, Wesse', meyaqmagkásekxo.

Salmos 51:3

Ekya'ásegkók ko'o sekteme ekmaso sektémakxa; megkamassegweykmok ekxéneykha ewáxok may'assáxma.

Proverbios 28:13

Asagkek katnehek apha m'a énxet appósso nak chá'a mey'assáxma; yásekhekxohok eyke chá'a Dios ma'a énxet apkeltennasso nak chá'a aptémakxa, tén han apyenyeykekxa nak chá'a.

Isaías 13:12

Apqántawók apagko' sa' ko'o atnessásekxak ma'a énxet, mexók sa' ma'a ekweykenxal'a ekteme ántawók ma'a sawo ekyátekto éltaqmalma éleñama nak Ofir.

Jeremías 13:16

Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Daniel 9:4

Élmaxnakkek axta Dios Wesse' ahagkok, axta ektáhak séltennasa nentémakxa mólya'assáxma s'e: “Wesse' egegkok, Dios apyennaqte tén han meyke ekhémo, apkeláneyo nak chá'a m'a apxeyenma elána', apxekmóssamo nak chá'a apchásekhayo m'a ektáha nak chá'a apchásekhayo, tén han apkeláneykegkoho nak chá'a m'a apkeltémókxa etnahagkok:

Josué 7:20

Apchátegmowágkek axta Acán: —Naqsók axta ko'o sélana aqsok ekmaso énmexma nak Wesse' egegkok, Dios nak Israel. Keso sélana axta ko'o s'e:

1 Samuel 14:43

Tén axta aptáha apcháneya Saúl ma'a Jonatán: —Héltennés aqsok apkelane. Keñe axta Jonatán aptáha apkeltennasa: —Ektókek xeyk ko'o ketchetsék yányawhéna' apyegmenek sétchesso exchek naw'a yámet sekmeykha nak chá'a. Ekheyk eyke ko'o s'e, payhawok amátog.

1 Samuel 6:5

Kóleykmássesha sa' tasqapma, tén han pomo'o aptawáseykencha'a nak negókxa, kóltemésses apcheymákpoho m'a Dios nak Israel; lapmaxcheyk sa' kamassegwók apkellegassáseykegkoho kéxegke, keñe han ma'a aqsok kéláyókxa nak chá'a, tén han kélókxa nak kéxegke.