Josué 6:4 - Biblia Enxet

⁴ Siete apkelmaxnéssesso Dios énxet'ák apagkok sa' elxog ma'a amonye' nak yántéseksek ekhémo mók nélpaqhetchásamáxkoho, xama sa' chá'a yetlo apchaqkahasso élánamáxche nak nepkések apkennawók apkepetek, keñe sa' ekwokmo enxoho siete ekhem, kólhaxnenchágwakxak sa' makham ma'a tegma apwányam ekweykmoho siete kélhaxnencheyam, keñe sa' ma'a apkelmaxnéssesso Dios énxet'ák apagkok, elpáwáksek sa' aqsa m'a apkelaqkahasso nak neyseksa kélhaxnencheyam.

Josué 6:4 ပူးပေါင်းရင်းမြစ်များ

Génesis 2:3

Apxénchek axta han ektaqmalma xa ekhem siete nak, apteméssessek axta ekpagkanamaxche', hakte apkellókassek axta apyampé xa ekhem nak, cham'a ekyókxoho aptamheykha apkelane nak aqsok.

1 Reyes 18:43

aptáhak axta apcháneya apkeláneykha: —Yenát, yenmexho sa' ma'a ekpayho nak wátsam ekwányam. Apmahágkek axta, keñe apkenmexo m'a, keñe axta aptáha: —Méko neykhe aqsok. Keñe axta aptáha makham apcháneya Elías: —Etne sa' siete apkeltaqhaweykekxa' yaqwayam yenmexho'.

2 Reyes 5:10

Keñe axta Eliseo apcháphasa xama apkeláneykha apkeltamho etnehek yának se'e: “Exeg, etne sa' siete apyaqpasso yegmen ma'a wátsam Jordán, tén sa' káxñekxohok apyempehek kamaskok ma'a negmasse ektepelchamaxche egyempehek.”

2 Reyes 5:14

Aptaqháwok axta Naamán keñe aptáha siete aptaxneykekxa m'a wátsam nak Jordán, apkeltamhókxa axta etnehek ma'a Dios appeywa aplegasso, keñe axta ektamhákxo apyempehek ma'a ektémól'a wokma'ák apyempehek, cháxñákxók axta.

2 Crónicas 13:12

Kólya'asagkoho chá'a apha Dios negaqta'awók negko'o, tén han ma'a appasmo nak apkelmaxnéssesso énxet'ák apagkok, penchásexcheyk yaqwayam kólaqkahaksek ma'a kélaqkahasso nak, yaqwayam ómpakhak negko'o kéxegke. Énxet'ák Israel, nágkólnapaxche aqsa Wesse' egegkok, Dios apagkok axta m'a kélyapmeyk nano', megkólxoho'.”

2 Crónicas 20:17

Háwe sa' kéxegke yaqwayam kólnapaxchek xa kempakhakma nak. Kóllánekxa sa' kéltáhakxa, nágkóltaqheykha aqsa, kólwetak sa' yaqwánxa etnehek elmallahanchesek ma'a Wesse' egegkok. ¡Énxet'ák kélheykha nak Jerusalén, tén han ekyókxoho nak Judá, nágkóle aqsa, nágkólyegwe han; kólya'am sa' saka m'a énxet'ák nak, hakte Wesse' egegkok kéxegke aphak kélnepyeseksa!’”

2 Crónicas 20:19

Keñe axta m'a levitas, Quehat axta aptawán'ák neptámen, tén han Coré axta aptawán'ák neptámen, apcheynawo apkelpeykásawo Wesse' egegkok, Dios nak Israel, apkelmeneykmasa ekyennaqte agko'.

2 Crónicas 20:21

Tén axta natámen apkelpaqhetchásamákpoho énxet'ák, apkelyésáha axta chá'a pók xama apkelmeneykmasso, yaqwayam elxog ma'a apmonye'e nak sẽlpextétamo, yetlo apkelántaxneykekxa m'a apáwa apkelpagkanamap. Yaqwayam etnehek elmeneykmássesek Wesse' egegkok negmeneykmasso s'e: “Kólmés ekxeyenma kélwáxok Wesse' egegkok, megkamassegwomek segásekhayo m'a.”

Job 42:8

Kólnáhap sa' kaxwók siete weyke kelennay'awo, tén han siete nepkések apkelennay'awo, keñe sa' kólyo'ókxak ma'a séláneykha Job, kóltemésses sa' aqsok élwatnamáxche eñama kéxegke. Séláneykha Job sa' elmaxnéssesek kéxegke, keñe sa' ko'o amok takha' apkelmaxnagko, matnéssessamók sa' exma ekmaso xama enxoho, payhawok eykhe atnéssesek eñama megkólteméssesso chá'a naqsók sélxeyenma, aptéma nak ma'a séláneykha Job apteméssessama chá'a naqsók sexeyenma.”

Isaías 27:13

Kólpáwaksek sa' kélaqkahasso ekyennaqte ekpáwà xa ekhem nak, keñe sa' ma'a apkelxegánegwayam axta m'a Asiria, ekhawo nahan ma'a kélnaqleykekxa axta m'a Egipto, elmeyenták sa' Jerusalén elpeykessetámhok ma'a Wesse' egegkok, cham'a egkexe ekpagkanamaxchexa nak.

Levítico 14:16

yetchesek sa' apophék apkelya'assamakxa nak ma'a pexmok égmenek ekyetno nak awáxok apmek, keñe sa' yexpaqheykha ekweykmoho siete nápaqtók Wesse' egegkok.

Levítico 4:6

sa' yetcheshok apophék éma m'a, elexpaqheykha sa' ekweykmoho siete aptamheykekxoho m'a nápaqto' nak Wesse' egegkok, ekpayhókxa nak apyexnamakxa apáwa apkexyawe kañe' nak tegma appagkanamap.

Zacarías 4:2

“¿Yaqsa apwet'a?” Tén axta ko'o sektáha seyátegmowágkokxo s'e: “Ekwet'ak ko'o xama cháléwasso ekyawe sawo ekyátekto ekmomnáwa, yetlo xama kélyátamakxa égmenek ekyetno m'a néten. Siete cháléwasso étkók nahan ekhéyak ma'a netno nak, siete nahan kélyetmeykegkaxa nak chá'a m'a égmen'ák.

Zacarías 4:6

Tén axta aptáha seyáneya s'e: “Keso Wesse' egegkok appeywa apcháphássesso m'a Zorobabel: ‘Nágyásenneykxa sẽlpextétamo, tén han apyennaqte, eyke m'a Espíritu ahagkok nak, axta aptáhak Wesse' egegkok ekha nak apyennaqte.

Números 23:1

Tén axta Balaam aptáha apcháneya s'e: —Yána sa' ko'o héllanaksek siete élwatnamáxchexa aqsok se'e, henaqlantagkas sa' nahan siete weyke étkók kelennay'a, tén han siete nepkések apkelennay'a.

Josué 6:13

Tén ma'a siete apkelmaxnéssesso Dios énxet'ák apagkok, apkelxega m'a amonye' yántéseksek Wesse' egegkok nak apagkok axta yaqnágwokmok. Axta han elwáteságkok apkelpáwasso m'a apkelaqkahasso nak; keñe m'a énxet'ák apkelempakhe apkelxega apmonye'e nak ma'a, tén axta m'a nápakha apkelxega m'a natámen nak yántéseksek, axta kamassegwokmok apkelpáwasso m'a apkelaqkahasso nak.

Josué 6:3

Kéxegke kélteme nak sẽlpextétamo Israel, kólteme sa' chá'a xama kélhaxnenchágweykekxa m'a tegma apwányam nak ekweykmoho seis ekhem.

Josué 6:5

Kélleg'ak sa' agkok kéxegke ekpáwà ekwenaqte m'a apchaqkahasso meyke ekhémo m'a mók nak, nágkóléságkoho aqsa kólwehesha, keykpentágwomhok sa' élyaqnenéyak ma'a kélhaxtegkesso nak tegma apwányam nápakhaw'ék, tén sa' kólchetamagkok kélyókxoho m'a tegma apwányam nak.”