Josué 6:24 - Biblia Enxet

²⁴ Tén axta apwatneykxo énxet'ák Israel ma'a tegma apwányam, kenhan ekyókxoho aqsok ekhéyak nak ma'a. Wánxa axta aqsa apkelma m'a sawo ekmope élmomnáwa, kenhan ma'a sawo ekyátekto élmomnáwa, tén han sawo élyexwase, keñe han ma'a sawo élyentaxno nak, keñe axta apnegkenwákxo m'a ekheykegkaxa nak aqsok élmomnáwa apagkok ma'a Wesse' egegkok.

Josué 6:24 ပူးပေါင်းရင်းမြစ်များ

2 Samuel 10:5

Xama axta apleg'a amya'a David, apkeltamhók axta kóllanyexagkok, hakte apkelmegqakkek apagko' axta, apkeltamhók axta han kólának exmakha sekxók ma'a Jericó, ekwokmoho élwegqákxo makham ma'a áwa' apatña'ák, keñe elchexyók makham.

2 Reyes 25:9

apwatnékxeyk axta m'a tegma appagkanamap, tén han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

1 Crónicas 18:11

Apkelpagkanchessegkek axta David ekyókxoho Wesse' egegkok xa aqsok nak, yetlo m'a sawo ekyátekto ekmomnáwa, tén han sawo ekmope ekmomnáwa, ektáha axta apkelyementaméyak ma'a pók aptémakxa énxet'ák, cham'a énxet'ák Edom, Moab, amonitas, filisteos tén han ma'a amalecitas.

Números 31:10

apkelwatnéssek axta nahan ma'a apyókxoho tegma apkelyawe apagkok, tén han ma'a apkelpakxenéyak nak.

Deuteronomio 13:16

Kólánchásekxak sa' ekyókxoho aqsok apagkok élmomnáwa m'a neyseksa nak apheykegkaxa chá'a énxet elweynchamha, keñe sa' kólwatnek ma'a tegma apwányam tén han ma'a ekyókxoho aqsok kélyementaméyak nak ma'a kélenmexma, kólmasséssók sa' ekyókxoho kólteméssesek kélmésso naqsa aqsok ekwatnamáxche m'a Dios Wesse' kélagkok. Meyke néxa apxámokma tegma aphopák sa' etnehek xa tegma apwányam nak, megkólxátekhásekxók sa' chá'a.

Deuteronomio 13:17

“Nágkólmekxa aqsa kéxegke xama enxoho m'a aqsok élxénamaxche nak kólmasséssók, keñe sa' meltaqnaweygkehek chá'a kéxegke m'a Wesse' kélagkok; kélyósekak sa' chá'a elano', exámásekxak sa' nahan, ekhawo m'a apkeltennassama axta etnéssesek ma'a kélyapmeyk nanók axta kéxegke,

Deuteronomio 20:16

Keñe sa' se'e tegma apkelyawe apagkok nak se'e énxet'ák apmésakxa nak Dios Wesse' kélagkok yaqwayam kóltéhek kélagkok kélagko', megkeymexchek kóleymok xama enxoho énxet essenhan aqsok,

Josué 11:11

tén han ma'a apyókxoho énxet'ák ektáha axta apheykha m'a. Apyókxoho axta kélmasséssekmok. Méko axta kéláyam xama enxoho, apwatneykxók axta han ma'a tegma apwányam nak.

Josué 6:19

Wesse' egegkok sa' eyke kólpagkanchesek ma'a sawo élyátekto élmomnáwa, tén han sawo ekmope élmomnáwa, keñe han ma'a ekyókxoho aqsok, cham'a sawo élyexwase nak, keñe han ma'a sawo ekyentaxno, sa' kólnegkenwakxak ma'a ekheykegkaxa nak aqsok élmomnáwa apagkok.”

Josué 6:25

Wánxa axta aqsa apwagkasa teyp Josué m'a Rahab tén han ekhawóxama, hakte cháxa kelán'a nak ektáha axta élpósso m'a énxet'ák ektáha axta apkeláphasso Josué m'a Jericó. Axta keñamak ekheykmo Rahab ma'a nepyeseksa nak énxet'ák Israel, ekwokmoho makham se'e ekhem nak.

Josué 8:28

tén axta Josué apwatneykxo m'a tegma apwányam nak Ai, wánxa aqsa éleymomáxko m'a tegma apowhók, cham'a negwetayo nak makham.