Josué 6:1 - Biblia Enxet

¹ Méko axta awanchek katxek, tén han katyapok ma'a tegma apwányam nak Jericó, hakte kélápegkokxeyk axta ekyókxoho atña'ák yaqwayam enxoho melántexek ma'a énxet'ák Israel.

Josué 6:1 ပူးပေါင်းရင်းမြစ်များ

2 Samuel 10:5

Xama axta apleg'a amya'a David, apkeltamhók axta kóllanyexagkok, hakte apkelmegqakkek apagko' axta, apkeltamhók axta han kólának exmakha sekxók ma'a Jericó, ekwokmoho élwegqákxo makham ma'a áwa' apatña'ák, keñe elchexyók makham.

2 Reyes 17:4

Apyekpelchágwokmek axta eyke Salmanasar apyexamakpoho apmáheyókxa etnéssesek Oseas apmáheyo yenmexek, keñe han apkeláphassama apkelxegexma'a aphakxa m'a So, wesse' apwányam nak Egipto, tén han apweteya ekmassama apyánmagkasso chá'a aqsok yókxoho apyeyam. Tén axta Salmanasar apkeltémo emakpok Oseas tén han kólaqxegkesek kañe' negmomaxchexa';

2 Reyes 2:4

Tén axta Elías aptéma apkenagkama Eliseo s'e: —Exnekxa sa' xép se'e, Jericó ko'o apkeltamhók amhagkok Wesse' egegkok. Apchátegmoweykegkek axta Eliseo: —Naqso' ko'o ektemessásak sekpeywa yetlo sekxeyenma apwesey Wesse' egegkok tén han xép, mayenyewek sa' apxakko'. Keñe axta apkelxegama ekweykekxoho m'a Jericó.

Salmos 127:1

Agkok elanak Wesse' egegkok tegma, kaqhok eltemeykha m'a apkeláneyak nak chá'a tegma; agkok emyáwak Wesse' egegkok ma'a tegma apwányam, kaqhok elanha m'a apkelhaxneykha nak chá'a.

Josué 16:7

tén axta ekweyweykento ekweykekxoho m'a Atarot, tén han Naará, ekwokmoho ekyepetchegweykekxo m'a Jericó, keñe ekyephagweykekxo m'a wátsam Jordán.

Josué 18:21

Keso tegma apkelyawe élpehewayam axta apkelxawéyak ma'a Benjamín énxet'ák apagkok apnámakkok nak: Jericó, Bet-hoglá, Émec-quesís,

Josué 2:1

Yókxexma Sitim axta apkeleñamak apqánet énxet, Josué axta apyexamakpoho apkeláphasso. Aptáhak axta apkeláneya s'e: “Kólxeg kólteyánegwomho sa' ma'a yókxexma keñe han ma'a tegma apwányam nak Jericó.” Apkelxegkek axta m'a, keñe apkelwokmo m'a tegma axagkok kelán'a ekyaqmagkáseyak pók énxet ektegye selyaqye, cham'a tegma apwányam nak Jericó, ekwesey axta Rahab. Axta apnaqteyenwokmok axta'a m'a.

Josué 2:24

Entáhak axta amya'a apcháneyákpo Josué s'e: “Wesse' egegkok egmeyásak negko'o s'e ekyókxoho xapop nak. Awanhók agko' éltamheykha apkelwáxok ma'a apyókxoho énxet'ák apheykha nak Jericó, negko'o eñamakxa'.”

Josué 2:7

Apkelemhágkek axta wesse' apkelásenneykha apkelmahágko m'a ekpayhókxa nak wátsam Jordán, ekweykmoho m'a éttakhexa nak. Xama axta apkelántepa sẽlpextétamo keñe kélápekxo átog ma'a tegma apwányam nak Jericó.

Josué 5:15

Apchátegmowágkek axta m'a apkemha apmonye' sẽlpextétamo apkeñama nak Wesse' egegkok: —Elhexyawés apkelatchesso apmagkok, ekpagkanamaxche s'e yókxexma apwa'akxa nak. Apkelyahákxók axta m'a Josué.

Josué 6:2

Wánxa agkok, aptáhak axta apcháneya Wesse' egegkok ma'a Josué: “Ekméssek ko'o kaxwók xeyep ma'a Jericó yetlo m'a wesse' apwányam apagkok tén han ma'a sẽlpextétamo apagkok.