Josué 5:14 - Biblia Enxet

¹⁴ —Háwe ko'o xa xama nak —axta aptáhak apchátegmowágko m'a énxet—. Ekwa'ak ko'o sektáha sémha emonye' m'a sẽlpextétamo Wesse' egegkok nak apkelásenneykha. Keñe axta Josué apháxahánto ekwokmoho aptekxeya nápat xapop, tén axta apkelmaxneyáncha'a: —¿Yaqsa apkeltamho alának ko'o Wesse' egegkok, aptáha nak xépxa apkeláneykha?

Josué 5:14 ပူးပေါင်းရင်းမြစ်များ

Génesis 17:17

Apháxahánteyk axta Abraham ekwokmoho aptekxeya ekpayhakxa nápat xapop, apkektegmáha axta, axta entáhak apwáxok se'e: “¿Éthoya chá'a apketche xama énxet ekwokmo enxoho cien apyeyam apagkok? ¿Kótaya étche Sara ekwokmo nak noventa apyeyam agkok?”

Génesis 17:3

Keñe axta Abram apháxahánto ekwokmoho aptekxeya ekpayhakxa nápat xapop, axta aptáhak Dios appaqhetchesa s'e:

2 Samuel 7:19

¡Háwe han ekwánxa agkok peya henteméssesek negko'o xa ektáha nak Wesse' ahagkok, xénchek makham apwáxok ma'a étawán'ák peya nak elántépok netámen, cham'a egmonye' sa', ko'o sektáha nak apkeláneykha! ¡Méko xama énxet etnehek xa aptémakxa nak xép, Wesse' egegkok!

2 Samuel 7:20

¡Wesse', méko kaxwók atnehek wának xép, hakte ey'ásegkok ko'o exchep sektáha nak apkeláneykha!

Salmos 110:1

Aptáhak Wesse' egegkok apcháneya wesse' ahagkok se'e: “Exa ekpayhókxa nak sélya'assamakxa', ekwokmoho seknegkenchesa kóneg apmagkok ma'a apkelenmexma nak.”

Salmos 24:10

¿Yaqsa xa Wesse' apwányam apcheymákpoho nak? ¡Neykhe m'a Wesse' egegkok meyke nak ekhémo! ¡Cháxa Wesse' apwányam apcheymákpoho xa!

Éxodo 4:10

—¡Hay, Wesse' ahagkok! —axta aptáhak apchátegmowágkokxo Moisés—. Mowanchek ko'o sekpeywa, háwe ekwánxa agkok ma'a hemaxta, tén han se'e kaxwo' nak, appaqhetchesa nak xép se'e aptáha nak apkeláneykha, nanók agko' nahan, cham'a nentámen axta. Ekpaqmetchek agkok chá'a, megkeyqwomek chá'a ahaxkok.

Éxodo 4:13

Apkelenxanakmók axta eyke Moisés aptáha appeywa s'e: —¡Hay, Wesse' ahagkok, yáphés sa' aqsa pók énxet enxoho!

Isaías 55:4

Ekteméssessegkek axta ko'o apkemha apmonye' tén han apkelxekmowáséyak chá'a énxet'ák ma'a, yaqwayam enxoho kañék chá'a ekwetamaxche m'a sekmowána.

Isaías 6:8

Tén axta sekleg'a Wesse' egegkok appeywa. Axta entáhak se'e: “¿Yaqsa sa' ko'o wáphaksek? ¿Yaqsa sa' katnehek apseykha amya'a egagkok?” Axta ektáhak ko'o seyátegmowágkokxo s'e: “Keso ko'o s'e, heyáphés ko'o.”

Ezequiel 3:23

Émpákxeyk axta ko'o néten, ekmahágkek axta m'a ekpayhegweykenxa nak xapop yókxexma, ekwetágwokmek axta nahan Wesse' egegkok élseyéxma apagkok ma'a, hawók axta m'a sekwetágwokmo axta neyáwa wátsam Quebar. Ekháxahánteyk axta ekwokmoho sektekxeya ekpayhakxa nahát xapop,

Daniel 10:13

Veintiún ekhem axta ko'o sélnápomáxche m'a aqsok éláneykha nak ma'a apchókxa nak Persia; epásegwa'ak axta eyke ko'o m'a Miguel, apteme axta xama m'a Dios apkelásenneykha ekyawe kéláyo, hakte exakkók axta eyeymomáxchek sélenmexma m'a apkelwesse'e apkelwányam nak Persia.

Daniel 10:21

Altennaksek sa' ko'o kaxwók xép ma'a ektémakxa nak eknaqtáxésamaxche weykcha'áhak ekmámnaqsoho: Wánxa ko'o sekxegexma sélnápomáxche m'a Miguel, Dios apchásenneykha apkemha apmonye' apkeláneykha nak ma'a Israel.

Daniel 12:1

“Ewaták sa' Miguel, apteme nak Dios apchásenneykha apyennaqte, apkelmasma nak xép énxet'ák apagkok. “Yentexek sa' katnehek xa ekhem nak, megkótémaxko axta katnehek ma'a sekxók axta eyeynamókxa ekteyapma m'a apheykegkaxa énxet. Wokmek sa' agkok xa ekhem nak, elwagkasakpok sa' teyp apyókxoho énxet'ák apagkok eknaqtáxésamaxche nak apkelwesey weykcha'áhak.

Daniel 8:11

wanyeyha axta han ma'a apkemha apmonye' nak élápogwátéyak néten; mágwokmek axta élánamáxche m'a aqsok ektekyawa, élánamáxche nak chá'a yókxoho ekhem, tawáseyha axta m'a kélpeykessamókxa axta chá'a.

Levítico 9:24

tekkek axta táxa m'a aphakxa nak Wesse' egegkok, sawhawók axta élwatna m'a kélnaqtósso kélmáheyo axta kólwatnek, tén han ma'a pexmok ekhágko axta m'a néten nak ekwatnamáxchexa aqsok. Xama axta apkelwet'a apyókxoho israelitas xa, axta eleyságkohok apkelwónchesa apkelátsencha'a, apkelháxahánteyk axta ekwokmoho apkeltekxeyágko élpayhakxa nápaqta'a xapop.

Números 16:22

Apkelháxahanteyk axta eyke ekwokmoho apkeltekxeya élpayhakxa nápaqta'a xapop ma'a. Aptáhak axta s'e: —Oh Dios, xép apteme apmésso apkelyennaqte apyókxoho énxet'ák. ¿Péya eltaqnaweygkok apyókxoho énxet, eñama apkelane mey'assáxma xama énxet?

Números 16:45

—¡Kólántép sa' nepyeseksa xa énxet'ák nak, amasséssók sa' ko'o ekmanyehe agko'! Apháxahánteyk axta eyke Moisés tén han Aarón ekwokmoho apkeltekxeya élpayhakxa nápaqta'a xóp,

Números 22:31

Yetlókok axta nahan apxekmóssamo apchásenneykha Wesse' egegkok ma'a Balaam, apkenmeyncha'a m'a neyseksa ámay, yetlo sókwenaqte apmeykha. Aphaxahánteyk axta Balaam ekwokmoho aptekxeya ekpayhakxa nápat xapop.

Josué 20:1

Appaqhetchessek axta Wesse' egegkok ma'a Josué, aptáhak axta apcháneya s'e: