Josué 5:13 - Biblia Enxet

¹³ Xama ekhem axta Josué apwokmo m'a ketók Jericó. Apwet'ak axta apkenmeyncha'a xama énxet ma'a apmonye', yetlo sókwenaqte apmeykha. Apyepetchegwokmók axta Josué keñe apkelmaxneyáncha'a: —¿Néleñémeyo xamóya exchep, nénmexma enxeykel'a?

Josué 5:13 ပူးပေါင်းရင်းမြစ်များ

Génesis 18:1

Apxekmowáseykpók axta Wesse' egegkok Abraham, élámhakxa nak yámet naxma apagkok ma'a Mamré. Apheyk axta Abraham ma'a átog nak appakxanma, chaqhawók axta m'a ekweykenxal'a kamexnek exma'.

Génesis 18:2

Apkelyaháha axta Abraham, apwet'ak axta apchaqnáncha'a apqántánxo énxet ma'a ekpayhókxa aphakxa'. Xama axta apwet'a, yetlókok axta apchampeykekxa néten apkelma takha', apháxahánteyk axta ekwokmoho aptekxeya ekpayhakxa nápat xapop,

Génesis 28:16

Apxatakha'ak axta Jacob, axta entáhak élchetama apwáxok se'e: “Naqso' neyke agkok apha Wesse' egegkok se'e yókxexma nak, keñe ko'o may'áseykegko.”

Génesis 33:1

Xama axta apwet'a Jacob apxegakmo Esaú, yetlo apkelxegexma'a cuatrocientos énxet, apkexpánchessek axta apketchek apkelmeyásekxo m'a Lía, Raquel, tén han ánet apkelásenneykha nak.

Génesis 33:5

Apkelanawók axta Esaú m'a kelán'ák, tén han ma'a sakcha'a, tén axta aptáha apkelmaxneyáncha'a s'e: —¿Yaqsa eyke xa apnaqlóncha'a nak? —Ko'o étchek, Dios axta sélmésso —axta aptáhak Jacob.

1 Crónicas 12:22

Yókxoho ekhem axta apkelwayam chá'a énxet yaqwayam epasmok ma'a David, ekwokmoho apxámagwokmo apagko' ma'a sẽlpextétamo, sẽlpextétamo apxámokma axta aptemék.

1 Crónicas 21:27

Keñe axta Wesse' egegkok apkeltamho yaqxegkásekxak axagkok sókwenaqte apagkok ma'a apchásenneykha nak.

1 Crónicas 21:30

Mopwanchek axta eyke apmako emyekxak David ma'a yaqwayam elpaqhetchesakpohok Dios, hakte apkekak axta sawo apagkok ma'a Wesse' egegkok apchásenneykha.

Éxodo 23:23

Seyásenneykha sa' eyke exog apmonye' exchep, tén sa' eyentamok ma'a amorreos apchókxa, hititas, ferezeos, cananeos, heveos tén han ma'a jebuseos, cham'a yaqwánxa nak amasséssók apyókxoho.

Daniel 10:5

Élyaháha axta, ekwet'ak xama énxet apkelántaxno apkelexyawe tén han aptete nepxet sawo ekyátekto ekmomnáwa agko'.

Daniel 8:3

Énmexawók axta makhawo', ekwet'ak axta xama nepkések apkennawók apyagqa m'a neyáwa nak wátsam. Ánet axta han apkepet'ák élwenaqte, axayók axta han tepeykxak xama ekwenaqte agko', kelyeykhágkek axta m'a amonye' élánteyapma.

Zacarías 1:8

Xama axta'a axta ko'o sekwet'a s'e aqsok sélxekmósso nak: Ekwet'ak axta xama énxet apchánte yátnáxeg apyexwase. Apkenmáha axta neyseksa yámet élmope exnók arrayán, ekyapwátegweykenxa nak xapop, keñe axta nahan ma'a neptámen nak apkelyagqa yátnáxeg, apkelyexwase axta nahan ma'a, tén han yáma apkelpésyam tén han apkelmope.

Números 22:23

Xama axta ekwet'a yámelyeheykok Wesse' egegkok apchásenneykha apkenmeyncha'a m'a neyseksa ámay, yetlo sókwenaqte apmeykha, yetnakhágwokmek axta ámay ekmahágko yókxexma; apkelyekpexchetáha axta Balaam peya ey'ásekxak makham ma'a ámay.

Números 22:31

Yetlókok axta nahan apxekmóssamo apchásenneykha Wesse' egegkok ma'a Balaam, apkenmeyncha'a m'a neyseksa ámay, yetlo sókwenaqte apmeykha. Aphaxahánteyk axta Balaam ekwokmoho aptekxeya ekpayhakxa nápat xapop.

Josué 6:2

Wánxa agkok, aptáhak axta apcháneya Wesse' egegkok ma'a Josué: “Ekméssek ko'o kaxwók xeyep ma'a Jericó yetlo m'a wesse' apwányam apagkok tén han ma'a sẽlpextétamo apagkok.

Jueces 13:11

Apchampákxeyk axta néten Manoa apyetlákxo aptáwa' m'a apkenmágkaxa axta m'a énxet. Aptáhak axta apcháneya s'e: —¿Xépya appaqhetchesa axta etáwa' m'a mók ekhem axta? Keñe axta aptáha apchátegmowágko m'a énxet nak: —Éhay, ko'o.

Jueces 13:22

tén axta aptáha apcháneya aptáwa' s'e: —Agmaskok sa', hakte negwet'ak ma'a Dios.