Josué 24:5 - Biblia Enxet

⁵ Tén axta ko'o seyáphassama m'a Moisés tén han Aarón, éllegassáseykegkók axta ko'o ekyentaxno agko' ma'a énxet'ák Egipto, ekwokmoho sélántekkesa ko'o kéxegke m'a.

Josué 24:5 ပူးပေါင်းရင်းမြစ်များ

Salmos 105:43

Apkelántekkessegkek axta Dios énxet'ák apagkok ektáha axta apkelyéseykha, yetlo apkelwehéseykha élpayheykekxa apkelwáxok,

Salmos 136:10

Apkelnapma axta kélketchek apmonye' appalleyam apyókxoho étchek ma'a kelán'ák Egipto, hakte megkamassegwomek chá'a segásekhayo.

Éxodo 12:37

Apkelántekkek axta israelitas ma'a yókxexma Ramsés apkelmeyákxo m'a yókxexma Sucot. Meyke kélyetsáteykekxa axta nahan ekwánxa m'a kelán'ák tén han ma'a sakcha'álétkók, ketók seiscientos mil énxet axta apweykmok apyókxoho apkelxega náxap'ák, élyennaqte nak apyempe'ék.

Éxodo 12:41

Cháxa ekhem nak, apwokmo axta cuatrocientos treinta apyeyam, apkelántekkek axta apyókxoho Wesse' egegkok sẽlpextétamo apagkok ma'a apkelókxa nak.

Éxodo 12:51

Cháxa ekhem apkelántekkesakxa axta nahan Wesse' egegkok Egipto m'a énxet'ák apxámokma nak israelitas.

Éxodo 3:10

Exeg sa' kaxwo', wáphaksek sa' ko'o exchep emhagkok ma'a aphakxa nak faraón yaqwayam elántekkesek Egipto m'a énxet'ák ahagkok, cham'a israelitas.

Éxodo 6:27

Cháxa ektáha axta nahan appaqhetchesso faraón, wesse' apwányam axta Egipto xa Moisés nak tén han ma'a Aarón, yaqwayam elántekkesek israelitas ma'a apchókxa nak.

Josué 24:6

Xama axta apkelánteyapma kélyapmeyk nanók axta kéxegke m'a Egipto, apkelamheykegkek axta m'a énxet'ák Egipto yetlo yátnáxeg apkelyenyawasso apkenchesso nak kempakhakma, tén han yátnáxeg apkap'ák, ekweykmoho m'a Wátsam Ekyexwase.