Josué 23:4 - Biblia Enxet

⁴ Élmeyáseykegkek axta ko'o kéxegke xapop kélagkok sektawassama xama aqsok nepyeseksa énxet'ák kélagkok. Axta waxpánchessók ko'o wánxa m'a xapop élmomaxche axta, éxpánchessegkek axta han ma'a megkalmomaxche axta makham, eyeynókxa m'a wátsam Jordán ekpayho nak ekteyapmakxa ekhem, ekweykekxoho m'a wátsam ekwányam Mediterráneo, ekpayho nak ektaxnegwánxa ekhem.

Josué 23:4 ပူးပေါင်းရင်းမြစ်များ

Salmos 105:11

cham'a aptéma axta apkenagkama s'e: “Agkések sa' xép xapop Canaán, apxaweykekxa ekpayhawo nak exkekxa'.”

Salmos 78:55

Apkelántekkessegkek axta nápaqta'awók Israel ma'a melya'áseyak nak Dios; apmelásektegkek axta xapop nepyeseksa m'a ektáhakxa nak chá'a énxet'ák apagkok, apkelheyáseykha axta han ma'a apheykegkaxa nak.

Éxodo 23:30

Ataqmelchesagkohok sa' eyke ko'o alántekkesek aphakxa exchep ma'a énxet'ák nak, ekwokmoho apxámákxo m'a apketchek, tén sa' emok etnehek apagkok se'e xapop nak.

Sofonías 3:6

Aptáhak Wesse' egegkok se'e: “Ekmasséssekmek ko'o pók aptémakxa énxet'ák, élyaqnegkásegkek ma'a tegma apkelwenaqte kélhaxtegkesso nak nepyáwa', meyke xama aqsok ektemessásekxak ma'a ámay apagkok nak, meyke xama énxet enxoho yaqwayam eyeykhagwók. ¡Méko xama enxoho apheykekxa m'a tegma apkelyawe apagkok nak!

Deuteronomio 12:29

“Apmasséssekmek sa' agkok Dios Wesse' kélagkok ma'a énxet'ák kélmaheyókxa nak kólmok kéxegke m'a apchókxa, kólántex sa' kéxegke m'a xapop apagkok nak appenchesa enxoho apmassésseyam, kólhakha sa' ma'a, eyke nágkólyetlókas aqsa apkeltémakxa nak ma'a énxet'ák nak, nágkólchetam nahan ma'a aptamheykegkaxa nak chá'a elpeykeshok ma'a aqsok apkeláyókxa.

Josué 13:2

Kéméxcheyk ma'a ekyókxoho xapop apagkok nak filisteos, kenhan ma'a guesureos,

Josué 18:10

Aptawássek axta xama aqsok Josué yókxexma Siló, nápaqtók Wesse' egegkok, yaqwayam ey'asagkohok ekpehewayam chá'a xapop apagkok, apkexpánchessek axta xapop nepyeseksa m'a israelitas.

Jueces 2:21

Malántekkesek sa' ko'o kaxwók apmonye'e m'a énxet'ák nak, melántekkesso axta m'a Josué, cham'a apyennaqtamakxa axta.”