Josué 21:27 - Biblia Enxet

²⁷ Keñe axta m'a levitas, Guersón axta aptawán'ák neptámen, kélmésa m'a apqánet tegma apkelyawe, apagkok axta m'a nápakha nak Manasés énxet'ák apagkok, yetlo m'a apagkok apagko' nak chá'a yókxexma ektaqmelakxa nak pa'at: cham'a Golán, apyetnama nak ma'a Basán, yaqwayam enxoho etnéssesek tegma apwányam apyexánegweykekxexa chá'a énxet'ák, keñe han ma'a Beesterá.

Josué 21:27 ပူးပေါင်းရင်းမြစ်များ

1 Crónicas 6:47

cham'a Sémer, Mahli axta apketche, cham'a Mahli, Musí axta apketche, cham'a Musí, Merarí axta apketche, cham'a Merarí, Leví axta apketche.

1 Crónicas 6:71

Keñe axta Guersón aptawán'ák neptámen, cham'a apwánxa axta chá'a apnámakkok, apkelxawágko m'a tegma apwányam nak Golán, apyetnama nak ma'a Basán, keñe han ma'a tegma apwányam nak Astarot, ektáha axta han apagkok ma'a Manasés nápakha énxet'ák apagkok, yetlo m'a yókxexma ektaqmelakxa nak pa'at.

Deuteronomio 4:43

Keso apkelwesey axta tegma apkelyawe s'e: Béser, xapop ekpayhegwayam nak néten ma'a yókxexma meykexa énxet. Cháxa yaqwánxa sa' chá'a elmeyekxak ma'a Rubén énxet'ák apagkok; tegma apwányam Ramot, apyetnama nak ma'a Galaad. Cháxa yaqwánxa sa' chá'a elmeyekxak ma'a Gad énxet'ák apagkok; tén ma'a tegma apwányam Golán, apyetnama nak ma'a Basán, cháxa yaqwánxa sa' chá'a elmeyekxak ma'a nápakha nak Manasés énxet'ák apagkok.

Josué 20:8

Keñe m'a teyp nak Jordán, ekpayhéyak nak xapop ma'a yókxexma meykexa énxet, teyp nak Jericó ekpayho nak ekteyapmakxa ekhem, apkelyésencha'a m'a tegma apkelyawe nak Béser, xapop apagkok axta m'a Rubén énxet'ák apagkok; keñe m'a yókxexma nak Galaad apkelyésencha'a m'a Ramot, xapop apagkok axta m'a Gad énxet'ák apagkok; tén ma'a yókxexma nak Basán apkelyésencha'a m'a Golán, xapop apagkok axta m'a Manasés énxet'ák apagkok.

Josué 21:26

diez axta apyókxoho tegma apkelyawe apagkok ma'a quehatitas apnámakkok, yetlo m'a apagkok apagko' nak chá'a yókxexma ektaqmelakxa nak pa'at.

Josué 21:28

Keñe m'a Isacar énxet'ák axta xapop apagkok, kélmésa m'a Quisión, Daberat,

Josué 21:6

Keñe axta natámen xa, élpehewokmo apkelxawéyak trece tegma apkelyawe m'a levitas, Guersón axta aptawán'ák neptámen, ektáha axta apagkok ma'a Isacar énxet'ák apagkok, Aser, tén han Neftalí, keñe han ma'a nápakha nak Manasés énxet'ák apagkok, apheykencha'a axta m'a Basán.