Josué 21:21 - Biblia Enxet

²¹ Keñe axta egkexe nak Efraín kélmésa m'a Siquem, yaqwayam etnehek apyexánegweykekxexa chá'a énxet ektáha enxoho apchaqhe pók, tén axta han ma'a Guézer,

Josué 21:21 ပူးပေါင်းရင်းမြစ်များ

Génesis 33:19

Cien sawók selyaqye axta apyánmagkassók apmoma xapop, apagkok axta m'a Hamor apketchek, Siquem axta apyáp, cha'a appakxanmakxa axta han ma'a.

2 Samuel 5:25

Aptemék axta David ma'a apkeltamhókxa axta etnehek Wesse' egegkok, keñe apmenxena m'a sẽlpextétamo filisteos, eyeynókxa m'a yókxexma Gabaón ekweykekxoho m'a yókxexma nak Guézer.

1 Reyes 12:1

Apmahágkek axta Siquem ma'a Roboam, hakte axta apkelmeyákxak apyókxoho énxet'ák Israel yaqwayam etnéssesek wesse' apwányam ma'a.

1 Crónicas 6:67

Apkelxawáyak axta han ma'a Siquem, tegma apwányam kélyexánegweykekxexa axta chá'a, apyetnama nak ma'a egkexe Efraín, yetlo m'a yókxexma ektaqmelakxa nak pa'at, keñe han ma'a Guézer,

Josué 10:33

Yahamok axta han apkelanyexakmo m'a Horam, wesse' apwányam nak Guézer yetlo sẽlpextétamo apagkok, apmako elmeyók ma'a énxet'ák nak Laquis, apsawhawók axta eyke han apkelnapa Josué m'a énxet'ák nak, axta yeykmok xama enxoho.

Josué 16:10

Axta eyke elántekkessók Efraín énxet'ák apagkok Guézer ma'a cananeos apheykencha'a axta m'a. Apchahayók axta aqsa apheykencha'a nepyeseksa, apkeltémók axta eyke eltemeykha etnahagkok apkelásenneykha naqsa. Makhemek makham apheykha cananeos xa yókxexma nak.

Josué 20:7

Tén axta énxet'ák Israel apkelyésencha'a tegma apkelyawe apkelyexánegweykekxexa chá'a énxet'ák, cham'a Quedes apyetnama nak Galilea, meteymog élekhahéyak nak ma'a Neftalí, keñe Siquem ma'a élámhakxa nak egkexe Efraín, tén han ma'a Quiriat-arbá, cham'a Hebrón, ekpayho nak élámhakxa egkexe Judá.

Josué 21:22

Quibsaim tén han Bet-horón, cuatro tegma apkelyawe, yetlo m'a apagkok apagko' nak chá'a yókxexma ektaqmelakxa nak pa'at.

Jueces 17:1

Aphegkek axta xama énxet ma'a egkexe nak Efraín apwesey axta Micaías,

Jueces 9:1

Apmeyákxeyk axta Siquem ma'a Abimélec, Jerubaal axta apketche, yaqwayam elpaqhetchessekxak ma'a egken námakkok. Aptáhak axta apkeláneya s'e: