Josué 21:16 - Biblia Enxet

¹⁶ Ain, Jutá tén han Bet-semes. Cháxa nueve tegma apkelyawe nak, yetneyk axta chá'a apagkok apagko' ma'a yókxexma ektaqmelakxa nak pa'at.

Josué 21:16 ပူးပေါင်းရင်းမြစ်များ

1 Reyes 4:9

Keñe axta Ben-déquer ma'a ekpayho nak Macás, Saalbim, Bet-semes, Elón tén han ma'a Bet-hanán;

1 Crónicas 4:32

Yetneyk axta han cinco apkelókxa: cham'a Etam, Ain, Rimón, Toquen tén han Asán,

2 Crónicas 25:21

Tén axta apxega m'a Joás yaqwayam yenmexek Amasías ma'a ekpayho nak Bet-semes, ekyetnama nak Judá.

Josué 15:10

Axta meyeykenták néxa xapop ma'a ekpayho nak taxnegwánxa ekhem eñama m'a Baalá, ekweykekxoho m'a egkexe Seír, yeykhayak axta m'a Quesalón, teyp nak egkexe Jearim ekpayho nak nexcheyha, tén axta ekweyweykento ekweykekxoho m'a Bet-semes, yeykhayak axta m'a Timná,

Josué 15:32

Lebaot, Silhim tén han ma'a En-rimón. Veintinueve axta apyókxoho tegma apkelyawe yetlo m'a tegma apketkók apheykegko nak nepyáwa'.

Josué 15:42

Tén han ma'a tegma apkelyawe apheykegko nak ma'a Libná, Éter, Asán,

Josué 15:55

Keñe han ma'a tegma apkelyawe nak Maón, Carmel, Zif, Jutá,

1 Samuel 6:12

Keñe axta élxega weyke élpéwo m'a ámay ekmahéyak nak Bet-semes, kelpáwágkek axta aqsa, kelpéwók axta aqsa han élxega meyke élyetnakhágwayam. Apkelxegkek axta natámen ma'a apkelámha apmonye'e nak filisteos, ekweykmoho m'a eyeynókxa axta xapop Bet-semes.

1 Samuel 6:9

Kóllanha sa': péwók sa' agkok ekmeyákxo weyke ekyenyawasso m'a Bet-semes, éñamakxa axta, eyke xa ektáha senteméssesso negko'o m'a Dios apagkok nak Israel xa aqsok ekmaso nak; sa' agkok kapéwók ma'a, agya'asagkohok sa' megkatnaha sẽllegassáseykegkoho m'a, senteme egagko' eyke.