Josué 20:9 - Biblia Enxet

⁹ Cháxa tegma apkelyawe apkelyexánegweykekxa nak chá'a énxet'ák, kélyessáseykha axta m'a apyókxoho israelitas, keñe han ma'a énxet'ák apkeleñama nak mók nekha, apheykha nak nepyeseksa. Sa' elyexánegwakxak chá'a apyókxoho apchaqhe nak chá'a pók ma'a, megkatnahakxoho nak chá'a apmáheyo apagko' yaqhek, yaqwayam sa' mexnéssesók chá'a mók ektáha nak pók apagko' ma'a apmatñà tén han yaqhek, megkólyekpelchawo enxoho sekxók makham ma'a aqsok apkelane.

Josué 20:9 ပူးပေါင်းရင်းမြစ်များ

Números 35:13

Seis tegma apkelyawe sa' etnéssesek negyexánegweykekxexa m'a tegma apkelyawe kélmésso nak:

Números 35:15

Etnehek sa' negyexánegweykekxa xa seis tegma apkelyawe nak, apagkok ma'a israelitas, tén han ma'a énxet'ák apkeleñama nak mók apkelókxa apheykha kélnepyeseksa kéxegke, essenhan ma'a apkelwe nak yaqwatakxoho. Sa' elyexánegwakxak chá'a apyókxoho ektáha nak chá'a apchaqhe pók megkatnahakxoho apmáheyo apagko' yaqhek.

Josué 20:4

Énxet ektáha enxoho aptegyeykha apyexanmomakxa xama xa tegma nak, etnegwók sa' ma'a átog nak tegma apwányam, exének sa' ektáhakxa aqsok apkelane nápaqta'awók ma'a apkelámha apmonye'e nak tegma apwányam. Keñe sa' yohok etxek ma'a kañe', egkések sa' han aphamakxa.

Josué 20:6

Kéméxcheyk exek aqsa tegma apwányam ma'a aptegyeykha nak apyexanmomakxa, ekwokmoho kélya'áseykxo nápaqta'awók ma'a apyókxoho énxet'ák yaqwayam enxoho kólyekpelkoho', keñe han ekwokmoho apketsapa m'a apkemha apmonye' apagko' nak apkelmaxnéssesso Dios énxet'ák apagkok, ektáha axta aptamheykha m'a sekxók axta. Keñe sa' apwanchek etaqhohok makham apkeñamakxa xa aptegyeykha nak apyexanmomakxa', cham'a apxagkok nak tén han tegma apwányam apagkok.”

Josué 20:8

Keñe m'a teyp nak Jordán, ekpayhéyak nak xapop ma'a yókxexma meykexa énxet, teyp nak Jericó ekpayho nak ekteyapmakxa ekhem, apkelyésencha'a m'a tegma apkelyawe nak Béser, xapop apagkok axta m'a Rubén énxet'ák apagkok; keñe m'a yókxexma nak Galaad apkelyésencha'a m'a Ramot, xapop apagkok axta m'a Gad énxet'ák apagkok; tén ma'a yókxexma nak Basán apkelyésencha'a m'a Golán, xapop apagkok axta m'a Manasés énxet'ák apagkok.