Josué 2:24 - Biblia Enxet

²⁴ Entáhak axta amya'a apcháneyákpo Josué s'e: “Wesse' egegkok egmeyásak negko'o s'e ekyókxoho xapop nak. Awanhók agko' éltamheykha apkelwáxok ma'a apyókxoho énxet'ák apheykha nak Jericó, negko'o eñamakxa'.”

Josué 2:24 ပူးပေါင်းရင်းမြစ်များ

Éxodo 15:15

meyke apkelwasqapma sa' etnahagkok eñama apkelaye m'a apkelámha apmonye'e nak sẽlpextétamo yókxexma Edom, elpexyennók sa' apkelaye m'a apkelámha apmonye'e nak kempakhakma m'a yókxexma Moab, kamaskok sa' apkelyennaqte m'a apyókxoho énxet'ák Canaán.

Éxodo 23:31

Keso sélqahássesso yaqwánxa chá'a katnehek néxa xapop kélagkok se'e, eyeynamo sekxók ma'a Wátsam Ekyexwase nak ekweykmoho m'a wátsam ekwányam apagkok nak ma'a filisteos, tén han eyeynamo m'a yókxexma meykexa nak énxet ekweykmoho m'a wátsam Éufrates. Ekméssek ko'o yaqwayam kólmok énxet'ák apheykha nak xa apkelókxa nak, emenxenek sa' xeyep ma'a apwánxa enxoho.

Proverbios 25:13

Máxa yegmen ekmáxaqxól'a neyseksa ekmexanma exma etnehek ma'a énxet apseykha amya'a metne nak chá'a apmopwána amya'a, epeykessásekxak chá'a apwáxok wesse' apagkok.

Josué 1:8

Ná eyensem apkelyetsete ektémakxa nak ekpeywa m'a weykcha'áhak segánamakxa nak antéhek Dios, keñe sa' kalchetamha chá'a apwáxok ekhem tén han axta'a, yaqwayam enxoho elának ma'a éltamhókxa enxoho elána'. Hakte cháxa ekyókxoho ektáhakxa enxoho aqsok apkelane, tásek sa' katnehek chá'a ekteyapma.

Josué 2:23

Apkelántekkek axta neyseksa meteymog élwenaqte xa apqánet énxet nak, apkelyeykhákxeyk axta m'a wátsam Jordán, keñe apkelwákxo m'a aphakxa axta Josué. Apkeltennáseyha axta ekyókxoho ektáhakxa aqsok apkelwete.

Josué 5:1

Apyókxoho apkelwesse'e amorreos ektáha axta apheykha m'a taxnegwánxa ekhem neyp nak Jordán, keñe han ma'a apkelwesse'e cananeos apheykencha'a nak ma'a keto' nak wátsam ekwányam Mediterráneo, apkelya'ásegwokmek axta ektáha Wesse' egegkok apyamasso yegmen ma'a wátsam Jordán nak, neyseksa apkeltámeyeykekxa axta m'a énxet'ák Israel, keñe axta éltamheyncha'a apkelwáxok. Axta elya'ásegkok yaqwánxa etnahágkok peya elenmexek ma'a énxet'ák nak Israel.

Josué 6:2

Wánxa agkok, aptáhak axta apcháneya Wesse' egegkok ma'a Josué: “Ekméssek ko'o kaxwók xeyep ma'a Jericó yetlo m'a wesse' apwányam apagkok tén han ma'a sẽlpextétamo apagkok.

Josué 8:1

Aptáhak axta Wesse' egegkok apcháneya m'a Josué: “Nágye aqsa, ná eyelqáp han. Yánchásekxa sa' apyókxoho sẽlpextétamo apagkok, keñe sa' exog yaqwayam elnapakpok ma'a énxet'ák apheykha nak tegma apwányam Ai. Ko'o sa' agkések xeyep yaqwayam emok ma'a wesse' nak yókxexma Ai, keñe han ma'a apyókxoho énxet'ák apagkok nak. Tén sa' ma'a tegma apwányam apagkok, kenhan ma'a xapop apagkok nak, xeyep sa' etnekxak apagkok.

Jueces 1:2

Apchátegmowágkek axta Wesse' egegkok apxéna Judá énxet'ák apagkok yempakhak apmonye'e, apxénchek axta egkések Judá m'a xapop nak.

Jueces 18:10

Kélwokmek sa' agkok ma'a, kólwetak sa' énxet meyke éltamheykha apkelwáxok, tén han ekxámokma xapop apagkok, méko eyeyméxchexa aqsok. Dios sa' egkések kéxegke yaqwayam kóltéhek kélagkok ma'a.

Jueces 7:9

Cháxa axta'a nak, aptáhakxa axta Wesse' egegkok apcháneya m'a Gedeón: “Exnekxa néten, keñe sa' exog ektámenták ma'a madianitas, hakte almések sa' ko'o exchep ma'a.