Josué 2:2 - Biblia Enxet

² Wánxa agkok, xama énxet axta eyke apkeltennásseykxak ma'a wesse' apwányam nak Jericó. Axta aptáhak apcháneya s'e: —Nápakha énxet'ák Israel apkelwa'ak yaqwayam elanok ektémakxa negókxa s'e axta'a nak.

Josué 2:2 ပူးပေါင်းရင်းမြစ်များ

Salmos 127:1

Agkok elanak Wesse' egegkok tegma, kaqhok eltemeykha m'a apkeláneyak nak chá'a tegma; agkok emyáwak Wesse' egegkok ma'a tegma apwányam, kaqhok elanha m'a apkelhaxneykha nak chá'a.

Proverbios 21:30

Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Isaías 43:13

Ko'o sekteme Dios eyeynamo m'a sekxók axta. Méko xama aqsok hexyánegkesek ko'o. Méko kamasséssók ma'a aqsok sélane nak chá'a.”

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”

Josué 2:1

Yókxexma Sitim axta apkeleñamak apqánet énxet, Josué axta apyexamakpoho apkeláphasso. Aptáhak axta apkeláneya s'e: “Kólxeg kólteyánegwomho sa' ma'a yókxexma keñe han ma'a tegma apwányam nak Jericó.” Apkelxegkek axta m'a, keñe apkelwokmo m'a tegma axagkok kelán'a ekyaqmagkáseyak pók énxet ektegye selyaqye, cham'a tegma apwányam nak Jericó, ekwesey axta Rahab. Axta apnaqteyenwokmok axta'a m'a.

Josué 2:3

Keñe m'a wesse' apkeltamho kóltéhek kólának Rahab se'e: —Kalántekkes sa' énxet'ák apkelwa'a nak axagkok, hakte cháxa aptáha kélapháseykha senteyánegwayo xa.

Jueces 18:2

Axta keñamak Dan apkeláphassama cinco énxet'ák apagkok megyeye nak elmahagkok eyesagkexa apkeleñama m'a Sorá tén han Estaol, yaqwayam enxoho elanok yókxexma. Cháxa cinco apkelányo yókxexma nak, apkelmahágkek axta m'a egkexe nak Efraín, keñe apkelwokmo m'a Micaías apxagkok. Axta apnaqteyenwokmok han axta'a m'a.