Josué 2:18 - Biblia Enxet

¹⁸ nélántaxneyk sa' agkok negko'o s'e yókxexma nak, xeye' agko' sa' han kamakhésha s'e táma ekyexwase nak, keso átog étkok éltamhókxa nak ólántépok. Kaltennés sa' ma'a yáp, tén han egken yaqwayam enxoho kaqnekxak se'e axagkok nak xeye', keñe han ma'a kelyáxeg, ekyókxoho apketchek nak xeye' yáp.

Josué 2:18 ပူးပေါင်းရင်းမြစ်များ

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

Génesis 7:1

Aptáhak axta Wesse' egegkok apcháneya Noé s'e: “Xép apwánxa apagkok apxakko' apkeláneya chá'a m'a sekmámenyého nak ko'o, nepyeseksa s'e apyókxoho énxet'ák, apheykencha'a nak se'e negwánxa nak. Etex sa' kañe' yántakpayhe yetlo apketchek.

Ester 8:6

hakte ¡mowanchek ko'o alenmaxaxkohok ótak káhapwak aqsok ekmaso m'a sekpeywomo xamo' nak! ¡mowanchek nahan alanha kólmasséssók ma'a énámakkok ahancha'awo' nak!

Éxodo 12:13

“Éma sa' eyke kéxegke kólmaha kólqahasagkok ma'a tegma kélhágkaxa enxoho. Tén sa' sélnapa enxoho ko'o m'a egipcios, megkóletsephek sa' kélxama kéxegke, hakte ótak sa' chá'a m'a éma, tén sa' ayeykhak aqsa chá'a.

Cantares 4:3

Yexwásawók nahan ma'a átog, máxa m'a yátépépe' kélyexwásessól'a apyexwase apagko', kamok han egwáxok ma'a ekpeywa. Máxa yántakyexna kélpáxqatmal'a neyseksa amáxempenák ma'a teyp nak eyáhakkasso nát apáwa apkexyawe.

Levítico 14:4

yának sa' elsanták ánet nátétkók yetlo aqta'ák éltaqmalma nak émpe'ék, tén han yámet cedro, tén han apáwa apyexwase, tén han yámet hisopo.

Números 19:6

Emok sa' nahan ekmanyehe agko' apkelmaxnéssesso Dios énxet'ák apagkok ma'a yámet cedro aktog, tén han yámet hisopo aktegák, tén han apáwa apyexwase, ekxák sa' ekyókxoho m'a nátex kélwatnakxa enxoho m'a weyke;

Números 4:8

Kólpeykes sa' nahan apáwa apyexwase ekyókxoho xa néten nak, kólaqlaksek sa' xama aqsok émpehek élexyawáyo, keñe sa' kólatchesek yámet nekhaw'ék yaqwayam enxoho kólsók.

Josué 2:21

—Hoy, katnehek sa' ma'a kéltáhakxa nak —axta entáhak eyátegmowágko Rahab. Tén axta éláphasa eltaqhohok xa énxet'ák nak. Keñe axta Rahab ekteta táma ekyexwase m'a átog étkok nak.

Josué 6:23

Keñe axta apkelántaxnegwokmo m'a Rahab axagkok, aptekkessek axta m'a yáp, egken, yetlo kelyáxeg, keñe han ma'a ekyókxoho ektáhakxa enxoho námakkok, keñe axta apnaqlákxo m'a yókxexma meykexa nak ekyennameykha exma, teyp apkelpakxeneykegkaxa nak énxet'ák Israel.

Josué 6:25

Wánxa axta aqsa apwagkasa teyp Josué m'a Rahab tén han ekhawóxama, hakte cháxa kelán'a nak ektáha axta élpósso m'a énxet'ák ektáha axta apkeláphasso Josué m'a Jericó. Axta keñamak ekheykmo Rahab ma'a nepyeseksa nak énxet'ák Israel, ekwokmoho makham se'e ekhem nak.