Josué 2:11 - Biblia Enxet

¹¹ Awanhók agko' axta éltamheykha egwáxok nenleg'a negko'o m'a amya'a nak. Cháxa keñamak méko nak ekmako kalenmexek kéxegke, cham'a Wesse' ektáha nak Dios kélagkok kéxegke, cháxa aptáha apagkok apagko' ma'a néten, tén han ekweyktámho s'e náxop nak.

Josué 2:11 ပူးပေါင်းရင်းမြစ်များ

1 Reyes 8:60

yaqwayam sa' han elya'ásegwók apteme Dios Wesse' egegkok ma'a apyókxoho énxet'ák, apheykha nak keso náxop, tén han méko pók aphawo.

2 Reyes 5:15

Keñe axta apxega yetlo apyókxoho apkelxegexma'a apya'aweykxo m'a Eliseo. Xama axta apwákxo makham ma'a aphakxa, aptáhak axta Naamán se'e: —¡Ekya'ásegwokmek ko'o kaxwók méko Dios ma'a ekyókxoho apheykegkaxa nak, wánxa aqsa m'a Israel! Éltamhók ko'o elmok takha' s'e aqsok sélmésso naqsa nak, ko'o sektáha nak apkeláneykha.

Nehemías 6:16

Apkellegayak axta m'a nélenmexma nak, apkelyegwaktegkek axta han ma'a apyókxoho énxet'ák apheykha axta neyáwa negheykegkaxa', massegkek axta éleymáxkoho apkelwáxok, hakte apkelya'ásegweykmek axta ekpenchásamaxko xa nentamheykha nak, yetlo sempasmo m'a Dios egagkok.

Ester 8:17

Kelpayhekxeyk axta apkelwáxok judíos ekyókxoho apchókxa tén han tegma apkelyawe, tén han yókxexma ekweykenxa axta chá'a m'a wesse' apwányam appeywa. Apkelánegkek axta ektámaxche ekyawe tén han apkelsawássessamo. Apxámok axta nahan apkeltemessásamakpekxa chá'a judíos nepyeseksa m'a énxet'ák apheykha axta m'a apkelókxa nak, hakte apkeláyak axta kaxwo'.

Salmos 102:15

Apyókxoho énxet'ák sa' etnehek apcháyo apwesey m'a Wesse' egegkok, apyókxoho apkelwesse'e apkelwányam apheykha nak keso náxop sa' etnehek apcháyo m'a apcheymákpoho,

Salmos 22:14

Ekhawók ko'o m'a yegmen ekyegkenamaxchel'a; kelhaxyawásamáxcheyk exchakkok. Máxa pápa' tamheykekxak ewáxok ekpayheykekxo.

Salmos 58:7

Emasséssem xép ma'a, ektémól'a yegmen ényé ekmassegwayam la'a; elyameyk sa', ektémól'a pa'at élteyammomaxche m'a ámay;

Salmos 83:18

¡Elya'asagkohok sa' xép apteme wánxa Wesse' egegkok, tén han apteme wánxa Dios Meyke Ekhémo ekyókxoho keso náxop!

Éxodo 15:14

Elpexyennók sa' chá'a apkelleg'a enxoho m'a ekyókxoho apheykegkaxa nak chá'a énxet'ák, elektakpok sa' ellegagkohok ekmáske m'a filisteos,

Éxodo 15:15

meyke apkelwasqapma sa' etnahagkok eñama apkelaye m'a apkelámha apmonye'e nak sẽlpextétamo yókxexma Edom, elpexyennók sa' apkelaye m'a apkelámha apmonye'e nak kempakhakma m'a yókxexma Moab, kamaskok sa' apkelyennaqte m'a apyókxoho énxet'ák Canaán.

Isaías 13:7

Keñe sa' kalyelqaxchek apaktegák ma'a apyókxoho énxet, kamaskok sa' élyennaqte apkelwáxok ma'a apyókxoho,

Isaías 19:1

Egipto ekxénamaxche yaqwánxa kólteméssesek. Kóllano Wesse' egegkok: Apxegakmek néten yaphope ekyennaqte ekxega apmeyókmo m'a Egipto. Kelpexyennegkek apmonye' m'a aqsok kéláyókxa nak Egipto, apkelakawók apagko' ma'a egipcios.

Ezequiel 21:15

Kóleyk sa' chá'a kéxegke xa, apxámok sa' katnehek élnapma. Eknegkenchessek ko'o sókwenaqte ekyetnamo nak ekyógkexma m'a apyókxoho kélxanák nak. Cháxa sókwenaqte kélyenmáseykekxa yaqwayam chá'a kalyenmaksexma xa; kélmaxneyeykekxa yaqwayam kalának chá'a nentekyawa.

Nahúm 2:10

Kélmasséssekmek Nínive, meyke xama aqsok tamhákxa', ekmaso táhak. Kelyelqáxcheyk apkelwáxok apkelaye, kelpexyennegkek aptapnák, apyókxoho massak apkelyennaqte, kelmópeykxeyk nápaqta'a.

Deuteronomio 1:28

¿Háxko sa' eyke ólmahagkok kaxwo'? Apkelxénchek xeyk negókxa xamo', apheykencha'a énxet apkelyennaqte m'a tén han apkelwenaqte maghawo nak negko'o. Apkelxénchek xeyk nahan apheykegko tegma apkelyawe netna'awók kélhaxtegkesso meteymog nepyáwa m'a. Apkelxénchek xeyk apkelwet'a nahan ma'a Anac aptawán'ák neptámen, cham'a xama énxet apwenaqte axta. Cháxa sẽlyélaqtéssessekmo nak negko'o egwáxok negyókxoho xa.’

Deuteronomio 20:8

“Keñe sa' elpaqhetchásekxak makham sẽlpextétamo apagkok ma'a apkelámha apmonye'e nak. Sa' etnehek elának se'e: ‘Yetneyk sa' agkok kélxama apkeye tén han megkeynnaqte apwáxok, tásek etaqhohok makham ma'a apxagkok yaqwayam sa' melyélaqtéssessemek nahan apkelwáxok ma'a apkelxegexma nak.’

Deuteronomio 4:39

“Nágkólwatéssem ekxéneykha kélwáxok Wesse' egegkok apteme Dios ma'a néten tén han keso náxop, méko pók aphawo enxoho m'a.

Josué 14:8

Keñe m'a ektáha axta sélxegexma'a apkelyegwakkasa m'a énxet'ák, keñe ko'o, axta ayenseykmok aptémakxa axta seyánagkama m'a Dios Wesse' ahagkok.

Josué 2:24

Entáhak axta amya'a apcháneyákpo Josué s'e: “Wesse' egegkok egmeyásak negko'o s'e ekyókxoho xapop nak. Awanhók agko' éltamheykha apkelwáxok ma'a apyókxoho énxet'ák apheykha nak Jericó, negko'o eñamakxa'.”

Josué 5:1

Apyókxoho apkelwesse'e amorreos ektáha axta apheykha m'a taxnegwánxa ekhem neyp nak Jordán, keñe han ma'a apkelwesse'e cananeos apheykencha'a nak ma'a keto' nak wátsam ekwányam Mediterráneo, apkelya'ásegwokmek axta ektáha Wesse' egegkok apyamasso yegmen ma'a wátsam Jordán nak, neyseksa apkeltámeyeykekxa axta m'a énxet'ák Israel, keñe axta éltamheyncha'a apkelwáxok. Axta elya'ásegkok yaqwánxa etnahágkok peya elenmexek ma'a énxet'ák nak Israel.

Josué 7:5

Aptekyókek axta treinta y seis israelitas; keñe m'a nápakha nak apmenxena eyeynmo m'a átog nak tegma apwányam ekweykmoho m'a kélhexyawassamakxa nak chá'a meteymog, axta apkelnáhápweykxak ma'a ekweyweykentamxa nak xapop. Axta keñamak apkelyelqákpo m'a énxet'ák, massék axta élyenna apkelwáxok.

Josué 9:24

Keñe axta apkelátegmowágko Josué m'a: —Nentemék axta negko'o m'a hakte tamháha axta egwáxok kólmahagkok hẽlnáhapwók, hakte negya'ásegkók ma'a Dios Wesse' kélagkok, apkeltémókxa axta etnehek ma'a Moisés, apteme axta apchásenneykha, apxeyenma egkések kéxegke s'e ekyókxoho apheykegkaxa nak, tén han emasséssók ma'a apyókxoho ektáha nak apheykha s'e,