Josué 19:50 - Biblia Enxet

⁵⁰ Kélméssek axta m'a tegma apwányam nak Timnat-sérah, ekhawo m'a apkeltémókxa axta etnahagkok ma'a Wesse' egegkok, cham'a yókxexma ekxámokmakxa nak meteymog élwenaqte m'a Efraín, apkelmaxnagkamakxa axta m'a Josué. Apxátekháseykekxeyk axta Josué m'a tegma apwányam, tén axta aphama m'a.

Josué 19:50 ပူးပေါင်းရင်းမြစ်များ

1 Reyes 4:8

Keso apkelwesey axta doce apkelámha apmonye'e s'e: Ben-hur axta m'a ekpayho nak egkexe Efraín;

1 Crónicas 7:24

Xátekhassegkek axta Bet-horón apyetno nak kóneg ma'a Seerá, Beriá axta apketche kelwána, tén han Bet-horón apyetno nak néten, tén han ma'a Uzén-seerá.

Números 13:8

Oseas, Nun axta apketche, apkeñama axta nepyeseksa m'a Efraín énxet'ák apagkok;

Josué 19:49

Apxakak axta han xapop apagkok Josué kañe' xapop apagkok nak ma'a pók énxet'ák Israel, cham'a appenchásegko axta apkexpánchesso xapop israelitas ekpehewayam nak chá'a apagkok ma'a ektáhakxa nak chá'a énxet'ák apagkok.

Josué 24:30

Kélátawanyeyk axta han ma'a xapop apagkok apagko', cham'a Timnat-sérah, ekpayho nak ekxámakxa egkexe m'a Efraín, teyp nak ma'a egkexe Gaas, ekpayho nak nexcheyha.

Jueces 2:9

keñe axta kélátawanyama m'a xapop apagkok apagko' nak, cham'a Timnat-sérah, ekyetnama nak ma'a teyp egkexe Gaas, ekpayho nak nexcheyha, neyseksa axta m'a xóp élekhahéyak nak Efraín.