Josué 19:34 - Biblia Enxet

³⁴ Keñe m'a ektaxnegwánxa ekhem nak, axta maheykegkok néxa xapop ma'a Aznot-tabor, yeykhayak axta ekmeheykegko m'a Hucoc, yepetchegweykekxók axta han ma'a xapop apagkok nak Zabulón ekpayho nak nepyeyam, keñe m'a ektaxnegwánxa ekhem nak, ekyepetchegweykekxoho m'a Aser énxet'ák nak xapop apagkok. Tén axta m'a ekpayho nak ekteyapmakxa ekhem, weykmók axta Neftalí énxet'ák xapop apagkok ma'a wátsam Jordán.

Josué 19:34 ပူးပေါင်းရင်းမြစ်များ

Deuteronomio 33:23

Tén axta Neftalí aptáha apxéna s'e: “Leklamók apwáxok apkelányo Wesse' egegkok ma'a Neftalí, apméssegkek ekxámokma agko' ma'a aqsok apagkok. ¡Apagkok ma'a ekpayhegwayam nak yegmen ekweykmoho m'a néxa ekpayhegwayam, ekpayho nak nepyeyam!”

Josué 19:12

Xegamchek axta néxa xapop ekmeheykegko m'a ekpayho nak ekteyapmakxa ekhem eñama m'a Sarid, ekweykekxoho m'a Quislot-tabor, yeykhayak axta makham ekweykekxoho m'a Daberat, meyeykekxeyk axta néten ekweykekxoho m'a Jafía.

Josué 19:22

Weykmók axta néxa xapop apagkok ma'a Tabor, Sahasimá tén han ma'a Bet-semes, keñe ektemegweykmo néxa m'a wátsam Jordán; dieciséis axta apyókxoho tegma apkelyawe yetlo m'a tegma apketkók aphéyak nak nepyáwa'.

Josué 19:33

Axta cheynamok ekxega xapop apagkok ma'a yókxexma nak Hélef, Elón-saananim, Adamí-néqueb tén han ma'a Jabneel, ekweykekxoho m'a Lacum, tén han ma'a Jordán.

Josué 19:35

Keso tegma apkelyawe ekyennaqte nak kélhaxtegkáseyak nepyáwa', apkelxawéyak axta m'a: Sidim, Ser, Hamat, Racat, Quinéret,