Josué 19:29 - Biblia Enxet

^29-30 Tén axta ektaqhegweykmo néxa xapop ekmeyeykekxo m'a Ramá, ekweykekxoho m'a tegma apwányam ekyennaqte nak kélhaxtegkesso nepyáwa Tiro, tén axta ekxegeykekxo makham ekmeyeykekxo m'a Hosá ekyephagweykekxo m'a wátsam ekwányam Mediterráneo. Veintidós tegma apkelyawe axta apyókxoho yetlo m'a tegma aphéyak nak nepyáwa', apyepetcheykekxa m'a Mahaleb, Aczib, Umá, Afec tén han Rehob.

Josué 19:29 ပူးပေါင်းရင်းမြစ်များ

Génesis 38:5

Wetákxeyk axta makham pók étche apkenna', Selá axta temessásak apwesey, cháxa apteyeykmo axta, apmaheykegko axta Judá m'a Quezib.

2 Samuel 24:7

Keñe apkelmeyákxo m'a apyetnamakxa nak tegma apyennaqte Tiro, tén han ma'a apyókxoho tegma apkelyawe apagkok nak heveos, keñe han cananeos, ekwokmoho apkelyephagweykxo m'a ekpayho nak nepyeyam ma'a Judá, cham'a Beerseba.

2 Samuel 5:11

Axta keñamak Hiram, wesse' apwányam nak Tiro, apkeláphassama apkeláneykha aphakxa David, tén han ma'a apkeláneyak nak yántéseksek, meteymog apkelpáxqatma, apkelsákxéssama axta m'a yámet cedro, keñe apkelánéssama apxagkok apyawe m'a David.

1 Reyes 5:15

Yetneyk axta han Salomón setenta mil chá'a apkelpata yámet, keñe ochenta mil apkelpáxqatma meteymog ma'a egkexe nak,

Ezequiel 28:21

“Xép énxet, yenmexekxoho sa' tegma apwányam Sidón, eltennés sa' sektáhakxa ko'o sekxeyenma m'a.

Miqueas 1:14

Kólyenyawho kélagko' sa' ma'a Moréset-gat. Melwetágwomek sa' chá'a kélpasmo kelwesse'e apkelwányam nak Israel ma'a tegma apwányam Aczib.

Zacarías 9:3

Apkeláneykegkek meteymog élyennaqte kélhaxtegkesso nepyáwa tegma m'a énxet'ák Tiro, apcháncheseykekxeyk nahan ma'a sawo ekyátekto élmomnáwa tén han ma'a sawo élmope ekmomnáwa ektémól'a aganchásekxak ma'a yelpa'.

Josué 18:25

Axta han ma'a Gabaón, Ramá, Beerot,

Jueces 1:31

Tén han Aser énxet'ák apagkok, mopwanchek axta han apmáheyo elántekkesek Aco, Sidón, Ahlab, Aczib, Helbá, Afec tén han Rehob ma'a cananeos, apheykencha'a axta m'a; apheykha axta aqsa makham nepyeseksa m'a, hakte mopwanchek axta apmáheyo elántekkesek ma'a tegma apwányam nak.