Josué 19:24 - Biblia Enxet

²⁴ Cinco axta entáhak ektawásamáxche aqsok, keñe élpehewokmo apkelxawéyak xapop apagkok ma'a Aser énxet'ák apagkok apnámakkok,

Josué 19:24 ပူးပေါင်းရင်းမြစ်များ

Génesis 35:26

tén axta Zilpá étchek, Lía axta éláneykha, apwetasso axta m'a Jacob: Gad tén han Aser. Cháxa Jacob apketchek axta xa, appalleyam axta m'a Padán-aram.

1 Reyes 4:16

keñe axta Baaná, Husai axta apketche m'a ekpayho nak Aser, tén han Alot;

Josué 19:23

Cháxa xapop ekpehewayam axta apkelxawéyak ma'a Isacar énxet'ák apagkok apnámakkok, yetlo tegma apkelyawe tén han ma'a tegma apketkók aphéyak nak nepyáwa'.

Josué 19:25

yetlómok axta han ma'a tegma apkelyawe nak Helcat, Halí, Beten, Acsaf,

Jueces 1:31

Tén han Aser énxet'ák apagkok, mopwanchek axta han apmáheyo elántekkesek Aco, Sidón, Ahlab, Aczib, Helbá, Afec tén han Rehob ma'a cananeos, apheykencha'a axta m'a; apheykha axta aqsa makham nepyeseksa m'a, hakte mopwanchek axta apmáheyo elántekkesek ma'a tegma apwányam nak.

Jueces 5:17

“Axta apkekhegwa'ak énxet'ák Galaad ma'a neyp nak wátsam Jordán; keñe axta énxet'ák Dan apháncha'a aqsa m'a ekhágkaxa axta yántakpayhe, keñe axta Aser énxet'ák apagkok apháncha'a m'a neyáwa wátsam. Apháha axta aqsa m'a ekheykegkaxa nak yántakpayhe;