Josué 19:15 - Biblia Enxet

¹⁵ Apheykegkek axta han doce tegma apkelyawe xa yókxexma nak, yetlo tegma apketkók aphéyak ma'a nepyáwa': cham'a Catat, Nahalal, Simrón, Idalá tén han Belén.

Josué 19:15 ပူးပေါင်းရင်းမြစ်များ

2 Samuel 23:15

Aptáhak axta appaqmétencha'a David: “¡Yámék la'a xama énxet heyekwéssók yegmen ma'a yámelchet nentaxnamakxa nak Belén!”

2 Crónicas 11:6

Apkelánekxeyk axta Belén, Etam, Tecoa,

Josué 11:1

Xama axta apya'ásegwokmoho ektáhakxa ekyókxoho m'a wesse' apwányam nak yókxexma Hasor, cham'a Jabín, apkelaphássek axta apkelseykha amya'a apkeltamho epasmekxak ma'a Jobab, wesse' apwányam nak Madón, keñe han ma'a apkelwesse'e apkelwányam nak ma'a Simrón, tén han Acsaf,

Josué 12:20

wesse' nak ma'a Simron-merón, wesse' nak ma'a Acsaf,

Josué 19:14

Keñe m'a nexcheyha nak, taqhegweykmek axta néxa xapop ekmeyeykekxo m'a Hanatón, ekyephagweykekxo m'a ekyapwátegweykenxa nak xapop Jefté-el.

Josué 19:16

Cháxa xapop ekpehewayam axta apkelxawéyak ma'a Zabulón énxet'ák apagkok apnámakkok, yetlo m'a tegma apkelyawe nak tén han tegma apketkók aphéyak nak nepyáwa'.

Jueces 1:30

Mopwanchek axta han apmáheyo elántekkesek Zabulón énxet'ák apagkok Quitrón, keñe han Nahalal ma'a cananeos apheykencha'a axta m'a, cháxa keñamak apheykencha'a nak makham cananeos nepyeseksa m'a, apkelméssegkek eykhe m'a ekyentaxno apkeltamheykha.

Jueces 12:8

Ibsán axta aptemék apkemha apmonye' apagkok israelitas neptámen ma'a Jefté, apkeñama axta m'a Belén,

Jueces 17:7

Aphegkek axta han xama wokma'ák ma'a Belén apkeñama mók nekha, apkeñama axta nepyeseksa Judá énxet'ák apagkok, apteme axta levita.

Rut 1:19

Tén axta élxega ánet ekwokmoho élwákxo m'a Belén. Xama axta élántaxnegwákxo m'a Belén, kelpelakkassek axta apkelwet'a m'a apyókxoho énxet, apyennegkessek axta exma apkelpaqmeta apkelwet'a. Keñe kelán'ák ektáha chá'a élpaqmeta s'e: —¿Háweya Noemí xa?