Josué 18:10 - Biblia Enxet

¹⁰ Aptawássek axta xama aqsok Josué yókxexma Siló, nápaqtók Wesse' egegkok, yaqwayam ey'asagkohok ekpehewayam chá'a xapop apagkok, apkexpánchessek axta xapop nepyeseksa m'a israelitas.

Josué 18:10 ပူးပေါင်းရင်းမြစ်များ

1 Crónicas 24:5

Xama aqsok axta han aptawásegkok apkexpánchesa yaqwánxa chá'a eltemeykha nepyeseksa m'a apyókxoho nak, hakte yetneyk axta chá'a apkeltamheykha apkelpagkanamap nepyeseksa m'a Eleazar axta aptawán'ák neptámen, tén han Itamar axta aptawán'ák neptámen, tén han Dios apkeláneykha.

Nehemías 11:1

Apkelhakmek axta Jerusalén ma'a apkelámha apmonye'e nak chá'a nepyeseksa énxet'ák; keñe axta m'a nápakha apkeleymomap axta aptawásegko chá'a xama aqsok, yaqwayam enxoho elhók chá'a Jerusalén xama nepyeseksa m'a diez énxet'ák, cham'a tegma apwányam appagkanamap nak, keñe sa' ma'a pók apkeleymomap nak nueve, elhók chá'a mók apheykegkaxa nak chá'a énxet.

Salmos 47:4

Ẽlyessáseykha yaqwayam anxewekxak ma'a xapop, eyaqheykencha'a nak apwáxok ma'a Jacob, apteme nak apchásekhayo.

Salmos 61:5

Dios ahagkok, aplegayak xép ma'a aqsok sekxeyenma nak alána', élmeyáseykekxeyk nahan ma'a aqsok apkelxawéyak nak chá'a m'a apcháyo nak chá'a apwesey.

Proverbios 18:18

Kamassegwók chá'a apkelátegmómap énxet ektawásexko enxoho chá'a xama aqsok yaqwayam kólya'asagkohok ektáha ekpehewayam, kaxpánchesek chá'a m'a apkelenmexamap nak.

Jeremías 7:12

Kólmeyekxa m'a kélpakxanma appagkanamap ahagkok apyetna nak Siló, ektáha axta ko'o sélyéseykha amonye' yaqwayam chá'a axek, kóllano sa' sekteméssessamakxa axta ko'o m'a, eñama apkeltémakxa ekmaso m'a énxet'ák ahagkok Israel.

Ezequiel 47:22

Katnehek sa' kéltaqmelchessesso yaqwayam kólxewekxak kéxegke xa, tén han ma'a énxet'ák megkatnaha nak kélókxa xamo' apheykha kélnepyeseksa, tén han ma'a ekha nak chá'a apketchek kélnepyeseksa kéxegke. Máxa appalleykemxa apancha'awók sa' kólteméssesek ma'a Israel. Kélexpánchessek sa' agkok xapop nepyeseksa m'a pók aptémakxa nak chá'a énxet'ák Israel, elxawagkok sa' nahan xapop apagkok ma'a.

Ezequiel 48:29

“Cháxa xapop yaqwayam sa' elxewekxak chá'a kéltaqmelchessesso m'a pók aptémakxa nak chá'a énxet'ák Israel, cháxa yaqwánxa sa' katnehek kélmeyáseyak kéxegke xa. Ko'o séltémo sektáha nak Wesse'.

Miqueas 2:5

Cháxa keñamak peya sa' megkaxek kéxegke xapop kélagkok nepyeseksa m'a Wesse' egegkok énxet'ák apagkok.

Números 34:16

Appaqhetchessek axta Wesse' egegkok ma'a Moisés. Aptáhak axta apcháneya s'e:

Josué 14:2

Xama aqsok axta aptawásegkok apmelassa xapop ma'a nepyeseksa nak nueve pók aptémakxa énxet'ák, tén han ma'a nápakha nak énxet'ák, apkeltémókxa axta Wesse' egegkok etnehek ma'a Moisés.

Josué 14:5

Apkexpánchessek axta xapop ma'a énxet'ák Israel, axta aptamhágkok ma'a apkeltamhókxa axta etnehek Wesse' egegkok ma'a Moisés.

Josué 18:11

Penchásexcheyk axta ektawásamáxche xama aqsok, keñe Benjamín énxet'ák apagkok eyaqhawo apxaka m'a xapop ekyetnama axta teyp Judá, halep axta m'a José énxet'ák xapop apagkok.

Josué 18:6

Appenchásegkek sa' agkok apkexpánchesso siete yókxexma, tén sa' héltennássetak makham ektáhakxa apkelányo m'a xapop nak, keñe sa' ko'o atwaksek xama aqsok nápaqtók ma'a Dios Wesse' egegkok yaqwayam ay'asagkoho' ekpehewayam chá'a xapop kélagkok.

Josué 18:8

Appenchásegkek axta aptamhágkaxa yaqwayam elxog ma'a ektáha axta apkelánémap elanok ektémakxa m'a yókxexma, keñe axta Josué aptáha apkeláneya s'e: “Kólmohok sa' ma'a ekyókxoho yókxexma, kólexpánches sa', tén sa' kólchexyók makham kélpenchesa enxoho, keñe sa' ko'o atwássesek xama aqsok se'e yókxexma nak Siló, nápaqtók Wesse' egegkok yaqwayam sa' ay'asagkohok ekpehewayam chá'a xapop kélagkok.”

Josué 18:9

Apkelxegkek axta xa énxet'ák nak, apsawhékxók axta apkelányo m'a yókxexma nak, apnaqtáxésagkek axta han siete yókxexma yetlo tegma apkelyawe chá'a xama yókxexma. Keñe axta apkeltaqháwo apkelmeyákxo m'a apkelpakxeneykegkaxa nak yókxexma Siló, cham'a aphakxa axta Josué.

Josué 19:51

Cháxa ekyókxoho xapop apkexpánchessama axta aptawáseykegko xama aqsok nápaqtók Wesse' egegkok ma'a Eleazar, apteme axta apkelmaxnéssesso Dios énxet'ák apagkok, tén han Josué keñe han ma'a apkelámha apmonye'e nak nepyeseksa énxet'ák Israel, cham'a nentaxnamakxa nak kélpakxanma apchaqneykekxexa nak énxet'ák, ekpayho nak Siló. Cháxa ekpenchásexchexa axta kélexpánchesso xapop.

Josué 23:4

Élmeyáseykegkek axta ko'o kéxegke xapop kélagkok sektawassama xama aqsok nepyeseksa énxet'ák kélagkok. Axta waxpánchessók ko'o wánxa m'a xapop élmomaxche axta, éxpánchessegkek axta han ma'a megkalmomaxche axta makham, eyeynókxa m'a wátsam Jordán ekpayho nak ekteyapmakxa ekhem, ekweykekxoho m'a wátsam ekwányam Mediterráneo, ekpayho nak ektaxnegwánxa ekhem.