Josué 17:1 - Biblia Enxet

¹ Keso xapop élpeheweykmo axta apkelxawéyak ma'a Manasés nak énxet'ák apagkok, apketche átnaha apketkok axta m'a José. Yókxexma Galaad tén han Basán axta chaqhawok apxaka m'a Maquir, apteme axta kempakhakma yáp, apketche átnaha apketkok axta m'a Manasés, cham'a teyp nak Jordán ekpayho nak ekteyapmakxa ekhem, cham'a Maquir Galaad axta apyáp.

Josué 17:1 ပူးပေါင်းရင်းမြစ်များ

Génesis 41:51

Manasés axta han aptemessásak apwesey m'a aptéyam apmonye' nak, hakte axta aptáhak se'e: “Dios élwánaqtéseykmok ekyókxoho seklegeykegkoho, tén han ma'a apyókxoho énámakkok.”

Génesis 41:52

Keñe axta m'a axayók aptéyam apteméssesa apwesey Efraín, hakte axta aptáhak se'e: “Dios egkéssók ko'o yaqwayam ótak étchek ma'a apchókxa ekyentaxnamakxa nak sekha.”

Génesis 46:20

Keso José axta apketchek se'e, ekwetasso axta m'a Asenat: Manasés tén han Efraín, appalleyam axta m'a Egipto. Potifera axta apketche m'a Asenat, apteme axta apkelmaxnéssesso énxet'ák ma'a yókxexma On.

Génesis 48:17

Axta eyke kalchak apwáxok José appekkena apqátek apmek apkelya'assamakxa m'a Efraín, keñe apmásseságko apmek ma'a apyáp, yaqwayam eyenyekxések apmek apqátek ma'a Efraín, apya'assásekxo apqátek ma'a Manasés,

Génesis 48:18

aptáhak axta apcháneya s'e: —¡Táta, háwe xa! Keso átnaha apketkok se'e. Epekken apmek apkelya'assamakxa apqátek.

Génesis 50:23

apkelwetayók axta m'a Efraín aptawán'ák. Apkelwetayók axta han ma'a Maquir axta apketchek, aptawán'ák axta m'a Manasés, hakte apkelqéneykha axta chá'a m'a José.

2 Samuel 2:9

apteméssessámxa axta wesse' apwányam ma'a Galaad, Guesurí, Jezreel, Efraín, Benjamín, tén han ma'a ekyókxoho kañe' nak Israel.

1 Crónicas 2:23

Keñe axta Guesur tén han Aram apkelmoma m'a apkelpakxeneykegkaxa axta Jaír, tén han ma'a Quenat yetlo m'a tegma apketkók agkok; sesenta axta apyókxoho m'a tegma apkelyawe. Maquir aptawán'ák neptámen axta han apagkok xa apyókxoho nak, Galaad axta apyáp.

Ezequiel 47:13

“Ektáhak ko'o sekpeywa s'e sektáha nak Wesse': Keso néxa xapop yaqwánxa sa' chá'a elxawagkokxak kéltaqmelchessesso yaqwayam elxewekxak ma'a doce pók aptémakxa nak chá'a énxet'ák ma'a Israel (José sa' eyke ánet xapop kólmések).

Números 26:29

Manasés axta apnámakkok apancha'awók ma'a Maquir, keñe axta Maquir apnámakkok apancha'awók ma'a Galaad;

Números 27:1

Yetneyk axta cinco kelwán'ák apkelyáxeg ma'a Manasés énxet'ák apagkok, élwesey axta Mahlá, Noá, Hoglá, Milcá, tén han Tirsá. Selofhad axta apketchek, aptawán'ák neptámen axta m'a Héfer, Galaad, Maquir, Manasés, tén han ma'a José.

Números 32:33

Cháxa ektáhakxa axta apkelmésa Moisés Gad énxet'ák apagkok tén han Rubén, tén han nápakha nak Manasés énxet'ák apagkok ma'a Sihón axta xapop apagkok, wesse' apwányam apagkok axta m'a amorreos, tén han ma'a Og, wesse' apwányam axta m'a Basán, yetlo m'a tegma apkelyawe ektáha axta apagkok, tén han ma'a yókxexma ekhéyak axta m'a nepyáwa.

Deuteronomio 21:17

Kéméxcheyk etnéssesek ektáha naqsók apketche átnaha apketkok xa tén han eyeyhássessamhok chá'a apkelmésso m'a aqsok apagkok ekpayhawo nak chá'a yaqwayam elmések, hakte cháxa apteme apkemha apmonye' apwete apketche xa payhawók nahan etnehek átnaha apketkok apketche.

Josué 17:2

Kélmeyásegkek axta han xapop yaqwayam etnehek chá'a apagkok ma'a nápakha nak Manasés énxet'ák apagkok, apwánxa enxoho chá'a apxámokma m'a apnámakkok: cham'a Abiézer, Hélec, Asriel, Siquem, Héfer tén han Semidá, Manasés axta apketchek, José axta aptawán'ák.

Josué 22:7

Apméssegkek axta Moisés xapop apagkok nápakha nak Manasés énxet'ák apagkok ma'a yókxexma Basán. Tén axta han ma'a pók nápakha nak Manasés énxet'ák apagkok apméssama Josué xapop apagkok ma'a nepyeseksa nak israelitas, halep nak Jordán, ekpayho nak ektaxnegwánxa ekhem, apkelmaxnéssessek axta apkeltamho epasmok Dios ma'a apmonye'e axta, keñe axta apkeltamho eltaqhohok makham.

Jueces 5:14

Nápakha Efraín énxet'ák apagkok axta apkelpéwók ma'a ekyapwátegweykenxa nak xapop, apkelxegkek axta neptámen ma'a Benjamín énxet'ák apagkok. Keñe axta apkeleñama nak nepyeseksa Maquir énxet'ák apagkok, apkelxegakmo m'a apkelámha apmonye'e apagkok nak, keñe m'a apkeleñama nak nepyeseksa Zabulón énxet'ák apagkok, apkelxegakmo chá'a m'a apkeltaqmelchesso nak apkelókxa.