Josué 14:14 - Biblia Enxet

¹⁴ Axta temék aptéma apagkok Caleb ma'a tegma apwányam nak Hebrón, yetlo m'a aptawán'ák neptámen ekwokmoho makham se'e ekhem nak, hakte axta eyenseykmok Caleb ma'a aptémakxa axta apkenagkama m'a Wesse' egegkok, Dios nak Israel.

Josué 14:14 ပူးပေါင်းရင်းမြစ်များ

Génesis 37:14

Exeg sa' axta aptáhak Israel, elano sa' ektáhakxa apheykha m'a apkelpepma, tén han ma'a nepkések, keñe sa' éxyók makham hesantagkasek amya'a. Apcháphássek axta Israel José apkeñama m'a xapop ekyapwate nak Hebrón, apwokmek axta José m'a Siquem,

1 Crónicas 6:41

cham'a Malquías, Etní axta apketche, cham'a Etní, Zérah axta apketche, cham'a Zérah, Adaías axta apketche,

2 Crónicas 15:7

Kéxegke eyke, kólwasqápekxoho sa', nágkólyelqaxche', hakte kólxawak sa' ekyánmaga kéltamheykha.”

Números 13:6

Caleb, Jefuné axta apketche, apkeñama axta nepyeseksa m'a Judá énxet'ák apagkok;

Josué 11:23

Apkelmomchek axta Josué m'a ekyókxoho xapop nak, apkeltémókxa axta etnehek Wesse' egegkok ma'a Moisés. Keñe axta apkelmeyáseykegko m'a énxet'ák nak Israel, yaqwayam etnahagkok apagkok. Keñe axta natámen xa ekmassama kempakhakma m'a yókxexma ektaqmeleykekxo apheykha m'a énxet'ák.

Josué 14:13

Tén axta Josué apkelmaxnéssesa apkeltamho epasmok Dios ma'a Caleb, keñe han apmésa m'a tegma apwányam nak Hebrón yaqwayam etnehek apagkok, yetlo m'a aptawán'ák neptámen.

Josué 14:15

Quiriat-arbá axta apwesey nanók ma'a tegma apwányam nak Hebrón, hakte Arbá axta apteme xama énxet ekha kéláyo m'a nepyeseksa aptawán'ák neptámen axta m'a énxet apwenaqte apwesey axta Anac. Keñe axta natámen xa ekmassama kempakhakma m'a yókxexma ektaqmeleykekxo apheykha m'a énxet'ák.