Josué 13:5 - Biblia Enxet

⁵ Kéméxcheyk han ma'a xapop apagkok nak guiblitas, keñe han ma'a ekyókxoho yókxexma nak Líbano ekpayho nak ekteyapmakxa ekhem, eyeynókxa m'a Baal-gat, émhakxa nak ma'a egkexe Hermón, ekweykekxoho m'a nentaxnamakxa nak ma'a Hamat.

Josué 13:5 ပူးပေါင်းရင်းမြစ်များ

1 Reyes 5:18

Apkelyaqtenneykegkek axta yámet ma'a Salomón apkeláneykha tén han Hiram, tén han ma'a apheykha nak nepyáwa', cham'a Guebal, apkelpaxqáteykekxeyk axta meteymog yaqwayam elanakpok ma'a tegma.

1 Reyes 8:65

Apkelanak axta Salomón apkelsawássessamo kélpakxeneykegkaxa nak yenta'a aktegák étkók, tén han ma'a apyókxoho énxet'ák Israel, apxámok apagko' axta apkelwe apkeleñama m'a nentaxnamakxa nak Hamat, ekweykmoho m'a alwáta étkok nak Egipto, apkelánésa m'a Dios Wesse' egegkok, tén han mók apkelsawássessamo ekweykmoho siete ekhem; catorce ekhem axta ekyókxoho apkelsawássessamo.

Salmos 83:7

tén han Guebal, Amón, tén han Amalec, tén han filisteos, tén han ma'a apheykha nak Tiro,

Isaías 10:9

Aphawók ko'o pók sélányo m'a tegma apkelyawe nak, cham'a Calnó tén han ma'a Carquemis, keñe tegma apwányam Hamat aphawo nahan ma'a Arpad, keñe tegma apwányam Samaria aphawo nahan ma'a Damasco.

Jeremías 52:9

Apmeyk axta caldeos ma'a wesse' apwányam keñe kélyentamákxo m'a aphakxa nak wesse' apwányam Babilonia, ekpayho nak Riblá, yókxexma Hamat. Yetlókok axta han apxeyenma Nabucodonosor yaqwánxa kólteméssesek ma'a Sedequías.

Ezequiel 27:9

Axta nahan elánekxak chá'a aqsok apagkok ekmaso m'a énxet'ák apkeleñama axta m'a Guebal, nanók apmopwancha'a axta apkeltamheykha apkelánéyak ma'a yántéseksek. Apkelyánmagkásamákpek axta chá'a exchep apyókxoho m'a énxet'ák apkelchánte nak chá'a yántakpayhe apkelxega neygmen.

Amós 6:2

Kólmohok sa' ma'a Calné, kóllanok sa'; keñe sa' kólyeykhak kólmeyekxak ma'a Hamat tegma apwányam apyawe nak, tén sa' kólweywenták kólmeyenták ma'a Gat filisteos apchókxa nak. ¿Yeykhágweykmoya ektaqmalma kélókxa kéxegke xa apkelókxa nak? ¿Táseya kélókxa kéxegke, yagkaxnawok apkelókxa nak xa énxet'ák nak?

Números 13:21

Apkelxegkek axta m'a énxet'ák, apkelanawók axta apchókxa eyeynamo m'a yókxexma meykexa nak énxet Sin, ekpayho nak nepyeyam, ekweykekxoho m'a Rehob, ekpayho nak nexcheyha, ekpayho nak nentaxnamakxa m'a Hamat.

Números 34:8

egkexe Hor sa' keynhok ekxegeykekxa makham ekweykekxoho m'a nentaxnamakxa nak Hamat, keñe sa' kaxñekxak makham ekweykekxoho m'a Sedad.

Deuteronomio 1:7

Kólmekxa sa' aqsok kélagkok, kólmohók sa' ma'a egkexe élekhahéyak apagkok nak amorreos, tén han ma'a ekyókxoho yókxexma nekhaw'ék nak: cham'a Arabá, tén han ma'a yókxexma ekxámokmakxa nak meteymog élekhahéyak, tén han ma'a eyáxñeyo meyke nak élekhahéyak xapop, tén han ma'a Négueb, tén han ma'a neyáwa wátsam ekwányam nak, tén han ma'a cananeos apchókxa tén han ma'a Líbano, ekweykmoho m'a wátsam ekyawe nak Éufrates.

Deuteronomio 3:25

Éltamhók ko'o heyhok ayeykhekxak ma'a neyp wátsam Jordán, hakte émenyeyk ko'o ótak ma'a xapop ektaqmalma nak, cham'a yókxexma ektaqmalma ekxámokmakxa nak ma'a meteymog élekhahéyak tén han ma'a egkexe Líbano.’

Josué 11:17

Apkelmomchek axta Josué apyókxoho apkelwesse'e m'a apheykegkaxa nak tén han apkelnapma, eyeynókxa m'a egkexe Halac, ekmeheykegko m'a yókxexma nak Seír, néxa m'a Baal-gat, ekpayho nak ekpayhegweykenxa xapop ma'a Líbano, kóneg nak ma'a egkexe Hermón.

Josué 11:3

keñe han ma'a cananeos apkeleñama nak ma'a ekteyapmakxa ekhem, tén han ma'a ektaxnegwánxa ekhem, keñe han ma'a amorreos, hititas, ferezeos, jebuseos apkeleñama nak ma'a élaqneykegkaxa nak meteymog élekhahéyak, keñe han ma'a heveos apkeleñama nak ma'a egkexe Hermón, ekpayho nak yókxexma Mispá.

Josué 12:7

Keso ektáha axta apmassésseyam apkelwesse'e m'a Josué, tén han ma'a énxet'ák nak Israel, ekpayho nak ektaxnegwánxa ekhem halep nak wátsam Jordán, eyeynókxa m'a yókxexma Baal-gad, cham'a ekpayhegweykenxa nak xapop ma'a Líbano, néxa m'a egkexe nak Halac, ekpayhémo nak émha m'a yókxexma Seír. Apkelméságkek axta Josué xapop ma'a énxet'ák Israel, yaqwayam etnehek apagkok apagko' meyke néxa, cham'a apagkok axta m'a apkelwesse'e apkelwányam nak,