Josué 13:31 - Biblia Enxet

³¹ náxet yókxexma axta m'a Galaad, keñe han ma'a tegma apkelyawe nak Astarot, tén han ma'a Edrei. Nápakha Maquir aptawán'ák neptámen axta apkelxaweykegkok xa apyókxoho nak, apketche axta m'a Manasés, apwánxa axta chá'a apxámokma m'a apnámakkok.

Josué 13:31 ပူးပေါင်းရင်းမြစ်များ

1 Crónicas 6:71

Keñe axta Guersón aptawán'ák neptámen, cham'a apwánxa axta chá'a apnámakkok, apkelxawágko m'a tegma apwányam nak Golán, apyetnama nak ma'a Basán, keñe han ma'a tegma apwányam nak Astarot, ektáha axta han apagkok ma'a Manasés nápakha énxet'ák apagkok, yetlo m'a yókxexma ektaqmelakxa nak pa'at.

Salmos 60:7

Ahagkok ko'o m'a Galaad, tén han Manasés; Efraín akke apteme sétchesso épátek; Judá akke apteme yámet sekmeykencha'awól'a chá'a sekteme wesse';

Josué 12:4

Tén han ma'a Og, wesse' apwányam axta m'a Basán, apteme axta wánxa xama apkeymomap apkeñama m'a nepyeseksa nak refaítas, aphama axta Astarot tén han ma'a Edrei.

Josué 13:12

weykekxók han ma'a aptémakxa axta wesse' m'a Og, wesse' apwányam nak Basán, apkeláneykencha'a axta m'a apchókxa Astarot tén han ma'a Edrei, apteme axta wánxa xama apkeymomap refaítas, apmenxenma axta m'a Moisés tén han apkelántekkessama apheykegkaxa'.

Josué 13:32

Cháxa xapop apkelmeyáseyak axta m'a Moisés yaqwayam etnehek apagkok, ekpayhéyak nak xapop ma'a Moab, ekpayho nak ekteyapmakxa ekhem neyp nak wátsam Jordán, ekpayho nak Jericó.

Josué 17:5

Diez yókxexma axta apkelxawágkok ma'a Manasés énxet'ák apagkok, nanók axta eyke han apkelxawéyak ma'a yókxexma nak Galaad tén han Basán, ekpayho nak ekteyapmakxa ekhem ma'a teyp Jordán,

Josué 17:6

kelxawágkek axta xapop ma'a Manasés apketchek nak, ektéma nak ma'a apkelennay'a nak. Pók Manasés aptawán'ák neptámen axta apkelxaweykegkok ma'a yókxexma Galaad.

Josué 9:10

keñe han apteméssessamakxa axta m'a apqánet apkelwesse'e apagkok axta m'a amorreos neyp nak wátsam Jordán, cham'a Sihón, apkeñama axta yókxexma Hesbón, tén han Og, apkeñama axta yókxexma Basán, apheykencha'a axta m'a yókxexma nak Astarot.

Jueces 10:6

Apkeláneykegkokxeyk axta makham apkeltémakxa ekmaso israelitas nápaqtók Wesse' egegkok, apkelpeykessamók axta m'a mók ektémakxa nak kéleykmássesso Baal tén han Astarté, tén han ma'a aqsok kéláyókxa nak Siria, tén han Sidón, Moab, Amón keñe han ma'a filisteos. Apyamasmeyk axta Wesse' egegkok, massegkek axta apkelpeykessamo.

Jueces 5:17

“Axta apkekhegwa'ak énxet'ák Galaad ma'a neyp nak wátsam Jordán; keñe axta énxet'ák Dan apháncha'a aqsa m'a ekhágkaxa axta yántakpayhe, keñe axta Aser énxet'ák apagkok apháncha'a m'a neyáwa wátsam. Apháha axta aqsa m'a ekheykegkaxa nak yántakpayhe;

1 Samuel 12:10

Tén axta apkelya'ásegweykmo apkeláneykegko melya'assáxma nápaqtók Wesse' egegkok, apkelyamasma apkelpeykessamo m'a mók ektémakxa nak chá'a kéleykmássesso Baal, tén han Astarté, keñe axta apkelwóneykencha'a apkeltémo elwagkasek teyp neyseksa apkelma apkelenmexma, apkelxeyenma elpeykeshok wánxa m'a Wesse' egegkok.

1 Samuel 7:3

Keñe axta Samuel aptáha apkeláneya m'a apyókxoho énxet'ák nak Israel: “Kélya'aweykxeyk sa' agkok kéxegke Wesse' egegkok, yetlo kélmésso ekweykmoho kañók agko' kélwáxok, kéméxcheyk kólchexák ma'a aqsok kéláyókxa éleñama nak mók nekha, keñe han ma'a kéleykmássesso nak Astarté, kólmés kélwáxok ma'a Wesse' egegkok, kólpeykesho wánxa m'a. Keñe sa' elwagkasek teyp neyseksa apkelma m'a filisteos.”