Josué 12:7 - Biblia Enxet

⁷ Keso ektáha axta apmassésseyam apkelwesse'e m'a Josué, tén han ma'a énxet'ák nak Israel, ekpayho nak ektaxnegwánxa ekhem halep nak wátsam Jordán, eyeynókxa m'a yókxexma Baal-gad, cham'a ekpayhegweykenxa nak xapop ma'a Líbano, néxa m'a egkexe nak Halac, ekpayhémo nak émha m'a yókxexma Seír. Apkelméságkek axta Josué xapop ma'a énxet'ák Israel, yaqwayam etnehek apagkok apagko' meyke néxa, cham'a apagkok axta m'a apkelwesse'e apkelwányam nak,

Josué 12:7 ပူးပေါင်းရင်းမြစ်များ

Génesis 14:6

apmenxenwokmek axta han horeos ma'a egkexe nak Seír, apkelyetlókek axta ekweykmoho m'a El-parán, keto' nak ma'a yókxexma meykexa énxet.

Génesis 32:3

Apkelaphássek axta Jacob apseykekxa amya'a m'a Seír, cham'a yókxexma Edom, yaqwayam eltennássekxak Esaú peya ewaták aphakxa m'a apyáxeg.

Génesis 36:20

Keso apketchek axta Seír apteme nak horeo, aphama axta m'a yókxexma nak: Lotán, Sobal, Sibón, Aná,

Génesis 36:30

Disón, Éser, tén han Disán. Cháxa apkelámha apmonye'e énxet'ák horeos xa, ektáhakxa nak chá'a aphawóxama apagko' ma'a yókxexma nak Seír.

Génesis 36:8

Axta keñamak apheykmo yókxexma élámhakxa nak meteymog élwenaqte Seír ma'a Esaú, apwesey nak han Edom.

Salmos 135:11

cham'a Sihón, wesse' apwányam apagkok axta amorreo, tén han Og, wesse' apwányam axta Basán, tén han ma'a apyókxoho kelwesse'e apkelwányam axta m'a Canaán;

Deuteronomio 2:1

“Tén axta nélmeyeykekxo m'a yókxexma meykexa nak énxet, ámay ekmahéyak axta m'a Wátsam Ekwányam Ekyexwase, ekhawo m'a apkeltémókxa axta atnehek ma'a Wesse' egegkok. Ahóxek axta nahan nélxega nélhaxnenchámeykekxo m'a meteymog élekhahéyak nak ma'a Seír.

Deuteronomio 2:4

Eltennasák sa' énxet'ák se'e séltamhókxa nak chá'a etnahagkok: Kólyeykhágwók sa' kéxegke m'a Esaú aptawán'ák neptámen xapop apagkok nak, cham'a apheykencha'a nak Seír, kélteme kélnámakkok akke nahan kéxegke m'a. Yáwhok nahan kéxegke m'a; eyke katneykha sa' kélwáxok,

Josué 11:17

Apkelmomchek axta Josué apyókxoho apkelwesse'e m'a apheykegkaxa nak tén han apkelnapma, eyeynókxa m'a egkexe Halac, ekmeheykegko m'a yókxexma nak Seír, néxa m'a Baal-gat, ekpayho nak ekpayhegweykenxa xapop ma'a Líbano, kóneg nak ma'a egkexe Hermón.

Josué 11:23

Apkelmomchek axta Josué m'a ekyókxoho xapop nak, apkeltémókxa axta etnehek Wesse' egegkok ma'a Moisés. Keñe axta apkelmeyáseykegko m'a énxet'ák nak Israel, yaqwayam etnahagkok apagkok. Keñe axta natámen xa ekmassama kempakhakma m'a yókxexma ektaqmeleykekxo apheykha m'a énxet'ák.

Josué 3:17

Apyókxoho énxet'ák axta apkeltámeyákxa', hakte yamakawók axta m'a wátsam nak Jordán, keñe m'a apkelmaxnéssesso nak Dios énxet'ák apagkok, appatmeykha axta m'a yántéseksek ekhémo mók nélpaqhetchásamáxkoho apagkok nak Wesse' egegkok, apchaqnáha axta aqsa m'a neyseksa nak wátsam Jordán. Axta eltaqhaháha hakte yamakawók axta exma m'a.

Josué 9:1

Apkelleg'ak axta amya'a ektáhakxa m'a apkelwesse'e apagkok nak hititas, amorreos, cananeos, ferezeos, heveos, tén han ma'a jebuseos. (Cháxa apkelwesse'e nak, axta apheykha m'a neyáwa wátsam Jordán ekpayho nak ektaxnegwánxa ekhem, ekxámakxa nak meteymog élekhahéyak, tén han ma'a ekpayhegweykenxa nak xapop, apyetleykekxeyk axta han apheykha m'a neyáwa wátsam ekyawe Mediterráneo ekweykekxoho m'a yókxexma Líbano.)