Josué 12:5 - Biblia Enxet

⁵ Weykmók axta han apagkok ma'a egkexe nak Hermón, keñe han eyeynókxa m'a yókxexma nak Salcá, tén han eyeynókxa m'a ekyókxoho yókxexma nak Basán, ekweykmoho m'a ektemegwánxa nak néxa yókxexma Guesur keñe han ma'a Maacá, tén han ektemegwánxa nak néxa m'a náxet yókxexma Galaad, ektáha axta apagkok ma'a Sihón wesse' apwányam axta m'a yókxexma Hesbón.

Josué 12:5 ပူးပေါင်းရင်းမြစ်များ

2 Samuel 13:37

Apxegáneykmek axta Absalón, apheykmek axta aphakxa m'a Talmai, Amihud axta apketche, wesse' apwányam axta m'a Guezur, apqántánxo apyeyam axta han aphayam ma'a. Yókxoho ekhem axta han apkelekxagweykha David eñama apketsapma m'a apketche Amnón,

2 Samuel 15:8

Éltennassegkek axta ko'o alpeykeshok Wesse' egegkok sewákxésa enxoho m'a Jerusalén, sekhamakxa axta Guesur, cham'a Siria.

2 Samuel 23:34

Elifélet, apketche axta Ahasbai, tén han ma'a apkeñama nak Maacá apketche; Eliam, apketche nak Ahitófel, apkeñama axta Guiló;

2 Samuel 3:3

tén axta aptétéyak ma'a Quilab, Abigail axta étche, Nabal axta aptáwa' neptámen, apkeñama axta Carmel; keñe axta aptáhakxa apqántánxo m'a Absalón, Maacá axta étche, Talmai axta apketche kelwána, wesse' apwányam axta m'a Guesur;

2 Reyes 25:23

Xama axta apkelleg'a amya'a m'a sẽlpextétamo apkelámha apmonye'e nak Judá tén han ma'a énxet'ák apagkok, apkelmeyákxeyk axta m'a Mispá, yaqwayam elpaqhetchesakpohok ma'a Guedalías. Ismael axta m'a, Netanías axta apketche; tén han Johanán, Caréah axta apketche; tén han Seraías, Tanhúmet axta apketche, apkeñama axta Netofá; tén han Jaazanías, apketche axta xama énxet apkeñama axta Maacá. Apkelyetlókek axta han énxet'ák apagkok.

1 Crónicas 5:11

Keso Gad axta aptawán'ák neptámen, apheykencha'a axta m'a ekpayhókxa nak apheykegkaxa m'a Rubén énxet'ák apagkok, ekpayho nak yókxexma Basán, ekweykekxoho m'a tegma apwányam Salcá:

Jeremías 40:8

apkelmeyákxeyk axta Mispá yetlo énxet'ák apagkok, apkelya'aweykxo m'a Guedalías. Apháha axta nahan nepyeseksa: cham'a Ismael, Netanías axta apketche, tén han Johanán, Jonatán, Caréah axta apketchek; Seraías, Tanhúmet axta apketche; tén han Efai axta apketchek, apkeleñama nak Netofá; tén han Jezanías, apketche axta xama énxet apkeñama Maacat, yetlo énxet'ák apagkok.

Deuteronomio 3:14

(Jaír axta eyke apmák ma'a yókxexma Argob, Manasés axta aptáwen neptámen, ekweykekxoho m'a néxa xapop nak yókxexma Guesur tén han ma'a Maacá, aptegyessegkek axta nahan ekwesey agko' ma'a Basán, Havot-jaír axta apteméssessók ekwesey, cháxa ekyetnama nak makham xa ekwesey nak.)

Josué 11:3

keñe han ma'a cananeos apkeleñama nak ma'a ekteyapmakxa ekhem, tén han ma'a ektaxnegwánxa ekhem, keñe han ma'a amorreos, hititas, ferezeos, jebuseos apkeleñama nak ma'a élaqneykegkaxa nak meteymog élekhahéyak, keñe han ma'a heveos apkeleñama nak ma'a egkexe Hermón, ekpayho nak yókxexma Mispá.

Josué 12:1

Keso apkelwesse'e apkelwányam apkelnapma axta m'a israelitas, apheykencha'a axta m'a teyapmakxa ekhem, teyp nak wátsam Jordán, keñe han xapop apkelmoma axta eyeynamo m'a wátsam Arnón ekweykekxoho m'a egkexe Hermón, tén han ekyókxoho m'a yókxexma ekteyapmakxa ekhem nak, ekyapwátegweykenxa nak xapop ma'a Jordán:

Josué 13:11

Axta han apkelxaweykegkok ma'a Galaad, keñe han ma'a xapop apagkok nak ma'a guesureos, tén han ma'a Maacateos, tén han ma'a egkexe nak Hermón, keñe han ma'a ekyókxoho xapop nak ma'a Basán, ekweykekxoho m'a Salcá,

1 Samuel 27:8

Exog axta chá'a yetlo apkelxegexma'a elyementamagkok aqsok apagkok ma'a énxet'ák nak Guesur, Guézer tén han Amalec, apheykencha'a axta xa yókxexma nak, eyeynamo m'a Telaím, ekpayho nak Sur, ekweykekxoho m'a Egipto.