Josué 11:8 - Biblia Enxet

⁸ keñe axta Wesse' egegkok apkelmallanchesa m'a énxet'ák nak Israel. Apketámegkek axta keñe han apmenxena ekweykmoho m'a apyawakxa nak tegma apwányam ma'a Sidón keñe han ma'a Misrefot-maim, tén han apmenxena m'a ekteyapmakxa nak ekhem ekweykmoho m'a ekpayhegweykenxa nak xapop ma'a yókxexma Mispá. Méko axta xama apkeymomap ma'a.

Josué 11:8 ပူးပေါင်းရင်းမြစ်များ

Génesis 10:15

Canaán axta apyáp ma'a Sidón, apmonye' apwete apketche axta, tén han ma'a Het.

Génesis 49:13

“Exek sa' Zabulón ma'a neyáwa wátsam ekwányam, yaqwánxa sa' keytek ekhagweykekxexa chá'a m'a yántakpayhe. Kammohok sa' néxa xapop apagkok ma'a Sidón nak.

2 Samuel 24:6

Keñe axta apkelmeyákxo m'a Galaad tén han Cadés, apchókxa nak ma'a hititas. Apkelwokmek axta m'a Dan, keñe apkeltaqhegwokmo apkelmeyákxo m'a Sidón.

Isaías 23:4

Kólmegqáwho kélagkók sa', énxet'ák Sidón, tegma apyennaqte nak neyáwa wátsam ekwányam, hakte sa' kóltéhek kólpaqmétek se'e: “Massék kaxwók ekmáske ewáxok, massék kaxwók sektáha enaqláwa. Méko kaxwók étchek yaqwayam waktegkesek, méko kaxwók étchek kelwán'ák yaqwayam alxekmósagkok.”

Zacarías 9:2

Apagkok nahan ma'a Hamat, apyetnama nak ketók xa tegma apkelyawe nak, tén han ma'a Tiro, Sidón yetlo m'a ektémakxa nak apmopwancha'a aqsok.

Deuteronomio 7:2

Apméssek sa' agkok kéxegke Wesse' egegkok yaqwayam kólmok ma'a énxet'ák nak, kélmenxena sa', kéméxcheyk kólsawhohok kólmasséssók, meyke kélhéssamo mók kélpaqhetchásamáxkoho tén han meyke apkelapyósegwayam kóllano'.

Deuteronomio 9:3

“Kéméxcheyk eyke kólya'asagkohok kéxegke ektáha chá'a apxega kélmonye'e m'a Wesse' kélagkok, tén han aphémo m'a táxa eksawhomól'a kalwatnek aqsok, cham'a peya sa' emasséssók kélmonye'e kéxegke m'a énxet'ák nak tén han etnéssásekxak mékoho. Kólántekkesek sa' kéxegke m'a, kólmasséssók sa' nahan ekmanyehe agko', ekhawo m'a apxeyenmakxa axta chá'a etnéssesek ma'a Wesse' egegkok.

Josué 10:20

Apkenyahágkek axta apkelyexánegwákxo tegma apwányam apagkok amorreos ektáha axta metekyawa, natámen axta apkelnapma m'a Josué tén han ma'a énxet'ák Israel. Apxámok apagko' axta han apkelnapma.

Josué 11:3

keñe han ma'a cananeos apkeleñama nak ma'a ekteyapmakxa ekhem, tén han ma'a ektaxnegwánxa ekhem, keñe han ma'a amorreos, hititas, ferezeos, jebuseos apkeleñama nak ma'a élaqneykegkaxa nak meteymog élekhahéyak, keñe han ma'a heveos apkeleñama nak ma'a egkexe Hermón, ekpayho nak yókxexma Mispá.

Josué 11:7

Tén axta Josué keñe han ma'a apyókxoho énxet'ák kempakhakma yapmeyk apagkok, appelakkasa apketámeyak ma'a ekpayhókxa nak neyáwa yegmen ma'a Merom,

Josué 13:6

Ko'o sa' alántekkesek apmonye'e Israel ma'a sidonios, keñe han ma'a apyókxoho apheykencha'a nak ma'a neyseksa meteymog élekhahéyak nak, eyeynókxa m'a Líbano néxa m'a yókxexma nak Misrefot-maim. Xeyep sa' etnehek apmelásekte xapop, elmésagkok sa' xapop apagkok ma'a énxet'ák nak Israel, cháxa séltamhókxa nak ko'o etnehek xeyep xa.

Josué 19:28

yetlómok axta han ma'a Abdón, Rehob, Hamón keñe han ma'a Caná, ekweykekxoho m'a apyawakxa nak tegma apwányam Sidón.

Josué 21:44

Apkelánéyak axta Wesse' egegkok ma'a apxeyenma axta elána', aptaqmelchessáseykekxeyk axta han apheykha m'a ekyókxoho apheykegkaxa nak. Mopwanchek axta apmáheyo elenmexekxak chá'a m'a apkelenmexma nak, hakte apkelmallanchessegkek axta Wesse' egegkok nepyeseksa m'a apkelenmexma.