Josué 11:5 - Biblia Enxet

⁵ Apheyásawók axta mók apkelpeywa xa apyókxoho nak, tén axta apkelpakxenwokmo m'a neyáwa yegmen nak yókxexma Merom, yaqwayam ektamagkok ma'a énxet'ák Israel.

Josué 11:5 ပူးပေါင်းရင်းမြစ်များ

2 Samuel 10:15

Xama axta apkelyekpelcha apmenxenákpo sirios apmenxena m'a Israel, apchaqnákxeyk axta makham.

Salmos 3:1

Wesse', apxámok apagko' ko'o sélenmexma, apxámok apagko' ma'a sénmexeykha nak ko'o,

Salmos 48:5

Xama axta apwetágwa'a tegma apwányam, kelpekhekak axta apkelwáxok, apkelyegwakkek axta, keñe apkenyahágko.

Isaías 8:9

Kólaqnekxa sa', énxet'ák kélheykha nak apkelókxa, kólyegwáwho kélagkók sa' nahan; kóleyxho s'e, kélyókxoho kélheykha nak apkelókxa makhawo': kólmekxak sa' eykhe chá'a kélmeykha kólmáwhok kólempakha' kólyegweyk sa' aqsa chá'a; naqso', kólmekxak sa' eykhe chá'a kélmeykha kólmáwhok kólempakha' kólyegwék sa' aqsa chá'a.

Josué 11:4

Apkelxegkek axta xa apyókxoho apkelwesse'e yetlo sẽlpextétamo apagkok, apxámok apagko' axta han ma'a yátnáxeg, keñe han ma'a yátnáxeg apyenyawasso apkenchesso nak kempakhakma. Apxámok apagko' axta han ma'a sẽlpextétamo, mogwanchek axta ólyetsetek, máxa axta m'a xapop ánek agko' ekheykegko nak neyáwa wátsam ekwányam.

Josué 11:6

Aptáhak axta Wesse' egegkok apcháneya m'a Josué: “Nágye aqsa, hakte saka sa' ko'o alnápok apyókxoho kélmonye'e kéxegke m'a énxet'ák nak, keso ekwánxa nak ekhem. Keñe sa' xeyep elyaqténchesagkok aphahak ma'a yátnáxeg, tén sa' han elwatnekxak ma'a yátnáxeg apyenyawasso apkenchesso nak kempakhakma.”

Josué 9:2

Hawók axta mók apkelpaqmeyesma m'a apyókxoho apkelwesse'e nak, apkelpasmékpók axta apmako elnapakpok ma'a Josué, tén han ma'a énxet'ák nak Israel.