Josué 10:40 - Biblia Enxet

⁴⁰ Apkelmomchek axta Josué m'a ekyókxoho apheykegkaxa nak. Apmallanegkek axta apkelnapma m'a apkelwesse'e apheykencha'a axta neyseksa nak meteymog élekhahéyak, keñe han ma'a yókxexma nak Négueb, tén han ma'a ekpayhegweykenxa nak xapop, keñe han ma'a egkexe étkók neyáwa nak. Apmassésseykmek axta ekyókxoho aqsok, apkelnapmeyk axta han ma'a apyókxoho énxet'ák; méko axta apcháyam xama enxoho, méko axta han xama énxet apkeymomap, apkeltémókxa axta etnehek ma'a Dios Wesse' apagkok nak ma'a Israel.

Josué 10:40 ပူးပေါင်းရင်းမြစ်များ

1 Reyes 15:29

Axta han kawenaqtémok apteme wesse' apwányam apkelnapma apyókxoho m'a Jeroboam apnámakkok. Apsawhomók axta Baasá m'a apyókxoho Jeroboam apnámakkok, méko axta apcháyam, ekhawo m'a aptémakxa axta apxeyenma Wesse' egegkok, apchásenneykekxo axta exének Ahías, apkeñama nak Siló.

Nehemías 9:24

Apkelántaxnegkek axta m'a, apmomchek axta m'a xapop nak Canaán, mékoho axta aptemessáseykekxak apmonye'e m'a énxet'ák apheykha axta m'a yókxexma nak, apkelméssegkek axta yaqwayam elmok ma'a kelwesse'e apkelwányam apagkok, tén han ma'a énxet'ák apheykha axta m'a apchókxa nak, yaqwayam enxoho etnéssesek apmakókxa enxoho etnéssesek.

Salmos 9:17

Exnagwók sa' apkelmaheykegkaxa nak apkeletsapma m'a élmasagcha'a nak apkeltémakxa, tén han ma'a melya'áseyak nak Dios, tén han élwagqámeyak nak ma'a Dios;

Éxodo 34:12

“Nágkólmés aqsa xama enxoho ekhémo mók kélpaqhetchásamaxkoho m'a énxet'ák, apheykha nak ma'a apkelókxa yaqwánxa nak kólántexek, yaqwayam enxoho megyánhek kalmok ma'a yám'én apagkok apkelhanma nak.

Números 13:17

Xama axta apkeláphasa Moisés elanok ma'a xapop nak Canaán. Aptáhak axta apkeláneya s'e: —Kólmohók sa' ma'a ekpayho nak Négueb, keñe sa' kólpéwhok ma'a yókxexma ekxámokmakxa nak meteymog élekhahéyak.

Deuteronomio 1:7

Kólmekxa sa' aqsok kélagkok, kólmohók sa' ma'a egkexe élekhahéyak apagkok nak amorreos, tén han ma'a ekyókxoho yókxexma nekhaw'ék nak: cham'a Arabá, tén han ma'a yókxexma ekxámokmakxa nak meteymog élekhahéyak, tén han ma'a eyáxñeyo meyke nak élekhahéyak xapop, tén han ma'a Négueb, tén han ma'a neyáwa wátsam ekwányam nak, tén han ma'a cananeos apchókxa tén han ma'a Líbano, ekweykmoho m'a wátsam ekyawe nak Éufrates.

Deuteronomio 2:34

Nélmomchek axta apyókxoho tegma apkelyawe apagkok, nennaqtawáseykha axta apyókxoho; nélnapmeyk axta m'a énxet, kelán'ák tén han ma'a sakcha'álétkók; méko axta xama enxoho negáyam.

Deuteronomio 7:24

Elmések sa' kéxegke yaqwayam kólmok ma'a kelwesse'e apkelwányam apagkok nak, keñe sa' kéxegke kólteméssesek meyke ekxénweykekxoho chá'a kélwáxok keso náxop. Méko sa' xama enxoho apmopwána yenmexekxak kélnápomáxche kéxegke xa énxet'ák nak, kólsawhohok sa' kéxegke kólmasséssók ma'a apyókxoho nak.

Josué 10:35

Cháxa ekhem nak apmakxa axta m'a tegma apwányam nak, keñe han apkelnapa m'a apyókxoho apheykha nak ma'a, sókwenaqte axta chá'a apkelyetxeyk. Apsawhawók axta apmasséssekmo m'a apyókxoho énxet'ák nak, ekhawo apteméssesakxa axta m'a Laquis.

Josué 10:37

Xama axta apma m'a tegma apwányam nak, apmasséssekmek axta ekyókxoho aqsok, sókwenaqte axta apkelyetxeyk apchaqha m'a wesse' apwányam apagkok nak, tén han ma'a apyókxoho énxet'ák, keñe han ma'a apnaqtósso élleykencha'a axta m'a, kenhan ma'a énxet'ák apheykha nak ketók apheykegkaxa, ekhawo apteméssessamakxa axta m'a Eglón.

Josué 10:39

sókwenaqte axta apkelyetxeyk apchaqha m'a wesse' apwányam apagkok nak, tén han ma'a énxet'ák ektáha axta apheykha m'a keto' nak apheykegkaxa. Méko axta xama énxet apkeymomap ma'a yókxexma nak Debir; kélsawhawók axta apyókxoho, ekhawo kélteméssesakxa axta m'a yókxexma Hebrón, keñe han ma'a yókxexma nak Libná, yetlo apkelwesse'e apagkok.

Josué 11:16

Apkelmomchek axta Josué xa ekyókxoho apheykegkaxa nak, cham'a apheykegkaxa ekxámakxa nak meteymog élwenaqte élekhahéyak, ekyókxoho m'a yókxexma Négueb, Gosen, tén han ma'a ekpayhegweykenxa nak xapop, keñe han ma'a ekyapwate nak ma'a Jordán, tén han ma'a ekyókxoho meteymog élwenaqte élekhahéyak nak, keñe han ma'a ekpayhegweykenxa nak xapop ma'a Israel.

Josué 12:8

ekpayho nak yókxexma ekxámakxa meteymog élekhahéyak, ekpayhegweykenxa nak xapop Jordán, ektáhakxa nak nekhaw'ék ekweyweykentamxa nak xapop, xapop meykexa nak énxet, keñe han ma'a yókxexma Négueb. Cháxa xapop nak ektáha axta apagkok ma'a hititas, amorreos, cananeos, ferezeos, heveos, tén han jebuseos.

Josué 18:21

Keso tegma apkelyawe élpehewayam axta apkelxawéyak ma'a Benjamín énxet'ák apagkok apnámakkok nak: Jericó, Bet-hoglá, Émec-quesís,

Josué 6:17

Kólmasséssem sa' ekyókxoho aqsok ekhéyak xa tegma apwányam nak, hakte Wesse' egegkok axta apkeltémo katnehek. Sa' aqsa megkólaqhek ma'a Rahab, ekteme nak kelán'a ekyaqmagkáseyak pók énxet ektegye selyaqye, tén han ma'a énxet'ák ektáha enxoho apkelyexánegwayam ma'a axagkok, hakte cháxa kelán'a nak ektáha axta élpósso m'a énxet'ák ektáha axta nélápháseykha.

Josué 8:2

Sa' etnéssesek xeyep yókxexma Ai tén han ma'a wesse' apagkok nak, ekhawo apteméssesakxa axta m'a wesse' apwányam nak Jericó, wánxa agkok ma'a aqsok apagkok tén han ma'a apnaqtósso nak, kélwanchek sa' kéxegke kaxwók kólmok. Kóllánekxa sa' kéltáhakxa yaqwayam kólpelakkasek kélchetámeyak ma'a ekpayhókxa nak teyp tegma apwányam.”

Josué 8:27

Keñe axta énxet'ák Israel apkelmágko m'a apnaqtósso, tén han ma'a aqsok ekhéyak axta m'a tegma apwányam, apkeltamhókxa axta etnehek Wesse' egegkok ma'a Josué,

Josué 9:24

Keñe axta apkelátegmowágko Josué m'a: —Nentemék axta negko'o m'a hakte tamháha axta egwáxok kólmahagkok hẽlnáhapwók, hakte negya'ásegkók ma'a Dios Wesse' kélagkok, apkeltémókxa axta etnehek ma'a Moisés, apteme axta apchásenneykha, apxeyenma egkések kéxegke s'e ekyókxoho apheykegkaxa nak, tén han emasséssók ma'a apyókxoho ektáha nak apheykha s'e,